06KITABU YA SALA

6
SIMVOLO YA IMANI
Nasadiki Mungu mmoja Baba mwenyezi, mwumba wa mbingu na wa dunia, hata
vyote vilivyoonekana na visivyoonekana, tena Bwana mmoja Yesu Kristu, Mwana wa
pekee wa Mungu, aliyezaliwa na Baba mbele ya wakati wote. Nuru toka Nuru, Mungu
kweli toka Mungu kweli, aliyazaliwa, si muumbwa omousion na Baba, aliye kwake vyote
vilifanywa, aliye kwa ajili yetu wanadamu na ya wokovu wetu alishuka mbinguni,
akapata mwili kwa Roho Mtakatifu na kwa Bikira Maria, na akawa mtu. Aliye sulibiwa
kwa ajili yetu wakati wa Pontio Pilato. Akateswa, akawekwa kaburini. Na aliyefufuka
katika siku ya tatu, kama yanavyo Maandiko. Na akapanda mbinguni ndipo anapokaa
kuume kwa Baba. Na atakuja tena kwa utukufu kuwahukumu walio na hai na waliokufa.
Ufalme wake utakuwa bila mwisho. Tena Roho Mtakatifu yu Bwana yu Mwumba hai,
aliyetoka na Baba, aliyesujudiwa na kutukuzwa pamoja na Baba na Mwana, aliyenena
kwa midomo ya manabii, kwa Ekklezya moja, Takatifu, Katholiki na Apostoliki.
Naungama kwa ubatizo moja kwa maondoleo ya zambi. Natumaini ufufuo wa wafu hata
uzima wa milele utakapokuja. Amin.
DOKSOLOGIA KIDOGO
Utukufu kwa Mungu juu pia, nchini amani urazi kwa wanadamu. Tukusifu,
tukuhimidi, tukusujudu, tukutukuza, tukushukuru, maana utukufu wako ni mkuu. Ee
Bwana mfalme, Mungu wa juu mbinguni, Baba mwenyezi, ee Bwana Mwana wa pekee
Yesu Kristu na wewe Roho Mtakatifu. Ee Bwana, Mungu we, Mwana Kondoo wa
Mungu, Mwana wa Baba, unazibeba zambi za dunia utuhurumie, unazibeba zambi za
dunia. Upokee ombi letu, uliyeketi kuume kwa Baba na utuhurumie. Kwa kuwa
Mtakatifu wa pekee, Bwana wa pekee, Yesu Kristu katika utukufu wa Mungu Baba.
Amina. Kila Mangaribi nitakuhimidi, nitalisifu jina lako la milele, hata milele na milele.
Ee Bwana wewe ni kimbilio letu, kizazi baada ya kizazi. Mimi nilisema: Ee Bwana,
unihurumie, uiponye roho yangu, maana nimekutendea zambi. Ee Bwana, nimekimbilia
kwako, unifundishe kutenda mapenzi yako, maana ndiwe Mungu wangu. Maana kwako
wewe iko chemchem ya uzima; katika mwangaza wako tutaona mwangaza. Onyesha
huruma yako kwao wakujue. Ee Bwana, utujalie usiku huu, kutulinda na zambi.
Umehimidiwa, ee Bwana Mungu wa Baba zetu jina lako limesifiwa, na limetukuzwa
milele. Amina. Ee Bwana, huruma yako iwe nasi, kama tumevyokutumainia wewe. Ee
Bwana, umehimidiwa, unifundishe zilizo haki zako. Ee Rabi, umehimidiwa,
unifahamishe zilizo haki zako. Ee Mtakatifu, umehimidiwa, uniangaze kwa zilizo haki
zako. Ee Bwana huruma yako ni ya milele; usiache kutuangalia sisi viumbe vya mikono
yako. Sifa zakulaiki, kukuimbia ni kwako, utukufu ni wako, wa Baba, na wa Mwana, na
wa Roho Mtaklatifu, sasa na siku zote, hata milele na milele. Amina.
Maombi ya Saa ya kwanza:
Ee Kristu, Nuru ya kweli, uliyeangaza na kutakasa kila mutu, uliyekuja duniani, na
imeonekana kwetu nuru ya uso wako, ulituonyesha nuru ya uso wako isiyozimika na
ongoza mwendo wetu katika kazi ya amri yako. Kwa maombezi ya Mama wako
Mtakatifu na ya Watakatifu wote. Amina