06KITABU YA SALA

78
pasipo maana watapata haya. Unionyeshe njia zako, ee Bwana; unifundishe mapito
yako. Uniongoze katika kweli yako, na kunifundisha; maana wewe ni Mungu wa wokovu
wangu; nitakungojea wewe muchana kutwa. Kumbuka, ee Bwana, huruma zako na wema
wako; maana zimekuwa tangu zamani. Usikumbuke zambi za ujana wangu, wala makosa
yangu; unikumbuke kwa kadiri ya wema wako. Kwa ajili ya uzuri wako, ee Bwana.
Bwana ni mwema na mwenye haki; kwa hivi atafundisha wenye zambi njia. Wapole
atawaongoza katika hukumu, na wapole atawafundisha njia yake. Njia zote za Bwana ni
wema na kweli, kwao wanaoshika agano lake na shuhuda zake. Kwa ajili ya jina lako, ee
Bwana, usamehe uovu wangu, kwa kuwa ni mukubwa. Ni nani anayeogopa Bwana?
Atamufundisha katika njia anayoichagua. Nafsi yake itakaa na salama; Na wazao wake
watariti inchi. Siri ya Bwana ni pamoja nao wanaomwogopa; naye atawaonyesha agano
lake. Macho yangu yanatazama kwa upande wa Bwana siku zote; naye atatoa miguu
yangu katika wavu. Geuka kwangu, na kunihurumia; kwa sababu mimi ni mukiwa na
nimeteswa. Taabu za moyo wangu zimeongezeka; unitoe katika huzuni yangu. Fikili
mateso yangu na taabu yangu, na samehe zambi zangu zote. Fikili adui zangu maana wao
ni wengi; na wananichukia na machukio makali. Ulinde nafsi yangu na kuniponyesha;
usiniache kupata haya, maana nimekuwekea wewe tumaini langu. Ukamilifu na haki
zinilinde, kwani ninakungojea wewe. Ukomboe Israeli, ee Mungu, katika taabu zake
zote.
ZABURI 30 (31)
Nimekukimbilia wewe, ee Bwana, usiniache kupata haya milele: Kwa kila haki
yako uniponyeshe. Uniinamia sikio lako, uniponyeshe mbio, uwe mwamba wangu wa
nguvu, nyumba yenye boma kuniokoa. Kwa maana wewe ni mwamba wangu na boma
langu, na kwa sababu ya jina lako utaniongoza na utanionyesha njia. Unitoe katika wavu
walionitegea kwa siri, maana wewe ni boma langu la nguvu. Katika mukono wako
ninaweka roho yangu; umenikomboa, ee Bwana, wewe Mungu wa kweli. Nimechukia
wenye kuangalia maneno bule ya uwongo, lakini nimeamini Bwana. Nitafurahi na
kushangilia kwa rehema yako. Kwa kuwa umeona mateso yangu, umujua roho yangu
taabuni. Wala hukunifunga kwa mukono wa adui, umesimamisha miguu yangu kwa
pahali pakubwa. Unirehemu, Bwana, kwa sababu niko katika taabu. Jicho langu
linaharibika kwa huzuni, roho yangu na mwili wangu kwa maana maisha yangu
yamekoma kwa huzuni, na miaka yangu kwa kuugua, nguvu yangu inapunguka kwa
sababu ya uovu wangu, na mifupa yangu imekauka. Nimekuwa shutumu kwa adui zangu
zote, lakini zaidi kwa jirani zangu, na woga kwa wenye kunijua, wenye kuniona inje
walinikimbia. Nimesahauliwa kama mufu toka mawazo ya watu; nimekuwa kama
chombo kilichovunjika. Maana nimesikia masingizio ya watu wengi-Maogopesho pande
zote-wakati walipofanya shauri pamoja juu yangu, wafanye hila kuondoa uzima wangu.
Lakini nimekutumiania wewe, ee Bwana, nimesema, wewe ni Mungu wangu. Siku zangu
ni mikononi mwako; uniponyeshe kwa mukono wa adui zangu na wa wenye kunitesa.
Utolee mutumwa wako nuru ya uso wako, uniokoe kwa huruma yako. Ee, Bwana,
usiniache kupata haya, kwa kuwa nimekuita; acha waovu kupata haya wanyamaze kwa
Hadeze. Midomo ya kusema uwongo iwe bubu, inayosema maneno magumu juu ya
wenye haki kwa majivuno na kuzarau. Ee, mukubwa sana ni wema wako uliowekea
wenye kukuogopa! Uliofanyia wenye kukutumainia, mbele ya wana wa watu.
Utawafunika kwa maficho ya uso wako kwa fitina za mutu. Utawaficha kibandani kwa
magomvi ya ndimi. Bwana abarikiwe, kwa sababu amenionyesha rehema yake ya ajabu