Portret Magazine No13

Мозаик
РАСПОЛОЖЕНИ
ЗА ДОБРА КНИГА
„ДЛАНКА ПОЛНА БОИ“ – СУЧЕН КРИСТИН ЛИМ [АНТОЛОГ]
Повеќеслојниот роман истражува 80 години од историјата на Сингапур, преку еден ден од
животот на Сувен, млада професорка која се обидува да се определи себеси како личност и како
уметник. Во својата потрага, таа ја истражува богатата историја на семејството на нејзиниот очув
и открива многу надежи и тешкотии на раната емигрантска заедница на Сингапур – од кинески
возачи на рикши и малајски келнери, до индиски лекари. Зад овие кулиси, пријателите на Сувен ги
истражуваат темите на уметноста, љубовта, слободата и на предавството. Приказната изобилува со
локални вкусови и ароми, а ликовите се живописно претставени и уверливи. „Дланка полна бои“ е
прв добитник на Сингапурската книжевна награда во 1992 година.
„БРАЌАТА СИСТЕР“ – ПАТРИК ДЕВИТ [БЕГЕМОТ]
„Браќата Систер“ претставува омаж кон класичниот вестерн роман трансформиран во незаборавен
комичен книжевен триумф. Ова е приказна полна со извонредно насликани ликови – губитници,
измамници, отпадници од сите сфери на животот – раскажана од комплексен и убедлив наратор.
Романот е насилна и страсна одисеја низ подземјето на Дивиот запад во втората половина на 19
век, што прекрасно го доловува хуморот, меланхолијата и смелоста на Дивиот запад и на двајцата
браќа кои ги врзува крвта, насилството и љубовта во времето на златната треска во Америка.
„ЛАЖГО“ – НОРА РОБЕРТС [КУЛТУРА]
Шелби Фоксфорт го губи својот сопруг. Веднаш потоа ќе ги изгуби и своите илузии... Човекот во
кој таа се вљуби и со кој реши да живее, ја остави во големи долгови. Тој бил прељубник и лажго,
а кога Шелби случајно ќе го открие неговиот таен сеф, во него ќе пронајде безброј лични карти.
Човекот што таа го сакаше не е само мртов, тој не ни постоел никогаш. Шелби се сели на југ каде
што ќе запознае ново лице: Грифин Лот, успешен изведувач. Но, нејзиниот сопруг имал тајни што
таа допрва ќе ги открие. Дури и во овој мал град, опасноста што ги демне неа и Грифин е поблиску
отколку што таа може да си претпостави.
„МОЈАТА ГЕНИЈАЛНА ДРУГАРКА“ – ЕЛЕНА ФЕРАНТЕ [ТРИ]
Приказната ја раскажува шеесетгодишната Елена која, соочена со мистериозното исчезнување на
својата другарка Лила, решава да го овековечи секој детаљ од нивното заедничко минато. Растејќи
во сиромашното неаполско маало во педесеттите, двете девојчиња учат да се потпираат една на
друга пред сите детски стравови и предизвици. Иако патиштата непрестајно им се вкрстуваат и
раскрстуваат, овие две дијаметрално спротивни жени сепак остануваат најверни другарки чии
судбини се огледуваат една во друга и се прекршуваат.
Со првиот дел од тетралогијата „Неаполски романи“, Феранте се докажува како еден од
најголемите италијански раскажувачи на сите времиња. Мајсторски скроен и трепетно возбудлив
наратив што го одзема здивот со секоја нова авантура на двете хероини.
„ПЛАНУМ“ - АЛЕКСАНДРА ШАРОВИЌ АТАНАСОВСКА [ТРИ]
„ПланУМ“ е креативен планер што ќе ви помогне во остварување на вашите цели преку детална
мапа и план за нивна реализација. Дејствува како личен водич и е персонализирано решение за
секој што води грижа во својот личен и професионален напредок, а пред сѐ за професионалци
со набиени агенди од кои во текот на еден работен ден се очекува вешто балансирање меѓу
деловниот и приватниот живот. „ПланУМ“ нуди можност за брендирање со ваше лого на кориците,
што го прави идеален подарок за вашите вработени и за деловните партнери. Со својот современ и
инспиративен дизајн совршено одговара за секој професионалец или за секоја компанија, што се
грижи за својот имиџ.
104
Не запирајте со читањето тука: испратете ни е-пошта со вашите
податоци на contact@portretmag.com и освојте една од книгите погоре.