Create successful ePaper yourself
Turn your PDF publications into a flip-book with our unique Google optimized e-Paper software.
ЗАШТИТЕН<br />
ЗНАК<br />
Кое е вашето омилено модно парче?<br />
Фотографија: Жарко Чулиќ<br />
Марко Марк<br />
патики<br />
За свој заштитен знак ги сметам спортските обувки, патиките,<br />
зашто преку нив најдобро се отсликува мојот дух, карактерот и<br />
личноста. Се сеќавам, во мојата најрана возраст, на возбудата<br />
и на блескавата експресија на мојот лик, во моментот кога<br />
моите родители, кои патуваа често, ќе се вратеа и ќе ме<br />
изненадеа со неколку нови модели на патики. Подоцна и<br />
мојата сестра и пријателите почнаа да ми купуваат патики за<br />
разни пригоди, зашто знаеја колку ќе ме израдуваат. Многу<br />
одамна трае и мојата пасија за популарните модели на Мајкл<br />
Џордан и до ден-денес се радувам кога ќе се подновам со<br />
некој модел на „џорданки“. И во мојот свет е нешто слично<br />
како и кај главната протагонистка во филмот „Волшебникот<br />
од Оз“, кога знае дека се случува магија додека ги носи оние<br />
обувки.<br />
Патики најчесто купувам од Скопје, со оглед на тоа што<br />
нашиот главен град нуди навистина широк спектар и избор.<br />
Но, секако, доколку патувам, знам да си се почестам со некој<br />
најнов модел што го нудат европските и светските метрополи.<br />
Мојот избор секогаш е едноставен и во поглед на боите и<br />
во избор на моделот. Не сум љубител на пренатрупаност,<br />
сакам да се комфорни и да ја поседуваат онаа линија или<br />
изглед на практичност, што ќе ми овозможува да ги носам<br />
во секој период од годината. Низ годините останав лојален<br />
на „Адидас“ и мило ми е што овој спортски бренд секогаш,<br />
секоја нова сезона, нуди свежина, возбуда и безброј модели<br />
за секој карактер. Особено го сакам моделот „Суперстар“ и<br />
сметам дека овој модел направи вистинска модна револуција,<br />
зашто го има оној ретро-дух што кореспондира со секое<br />
парче облека. Особено се радував на колекцијата што овој<br />
бренд ја пласираше на пазарот во соработка со секогаш<br />
иновативниот и одличен Фарел Вилијамс во навистина<br />
огромен спектар на бои. Покрај „Адидас“, носам и „Најк“, „Њу<br />
Баланс“, популарните старки на „Конверс“, за кои прочитав<br />
интересна статистика, дека секоја 43-та секунда се продава<br />
по еден пар од овој модел. Ги комбинирам буквално со сѐ, ги<br />
користам за комплетирање на мојот изглед, без разлика дали<br />
во комбинација со костум, со тренерки или со обична бела<br />
маица и џинс.<br />
44
Change language