Create successful ePaper yourself
Turn your PDF publications into a flip-book with our unique Google optimized e-Paper software.
Моја борба<br />
Навистина е инспиративно и поттикнувачки што, и покрај<br />
целосно оштетениот вид од бебе, вие сепак во овие дваесет<br />
и една година, сте успеале да го следите својот талент<br />
за пијано и се обидувате постојано да го подобрувате<br />
секојдневието што, претпоставувам, не ви било лесно. Како<br />
се соочувавте на почетокот со фактот дека целосно го<br />
имате изгубено видот и која е причината за слепилото?<br />
Видот ми е оштетен од лекарска грешка, сум го изгубила<br />
додека сум била бебе од преголема доза кислород во<br />
инкубатор без заштита. И покрај тоа, уште од мала возраст<br />
сум свесна за проблемот што го имам зашто секогаш ми се<br />
зборувало за тоа, ништо не се криело од мене, објаснето<br />
ми е дека, ете, можеби сум поразлична од другите, дека не<br />
можам да гледам. Нормално, како дете не ми било јасно<br />
што ми се случува, сум поставувала секакви прашања, дали<br />
некогаш ќе можам да гледам, зошто не можам да гледам, сум<br />
го прашувала дури и татко ми дали, кога би можел, би ми ги<br />
дал неговите очи да гледам. За моите родители тие прашања<br />
биле многу болни, бидејќи не знаеле<br />
што да ми одговорат. Сепак, тоа што<br />
сум свесна од почеток, ми помогна<br />
едноставно да се соочам со тоа и да<br />
терам напред, бидејќи не може да<br />
се врати времето за да се смени тоа<br />
што се случило. Секако, не е лесно,<br />
но моите родители ме воспитале да<br />
бидам многу храбра. Никогаш не<br />
ме двоеле од сестра ми, како што<br />
била воспитувана таа сум била и јас,<br />
растена сум во средина во која сум<br />
прифатена најнормално.<br />
Ќе ни ја раскажете ли накратко<br />
вашата борба низ годините со<br />
оштетениот вид, но и процесот<br />
низ образовниот систем, од<br />
основно училиште до денес?<br />
Дали сте се соочиле со некој вид<br />
дискриминација и маргинализација<br />
во текот на вашето растење?<br />
На почетокот, кога беше борбата за запишување во редовно<br />
училиште, имаше многу пречки. Мајка ми има повеќе<br />
трауми од тоа зашто некои мислеле дека не би требало да<br />
бидам интегрирана во редовно училиште. Но, нејзината<br />
желба и, сметајќи дека оди по вистинскиот пат, успеа да се<br />
избори. Генерално бев прифатена и од соучениците и од<br />
наставниците, секако секогаш има луѓе кои не ме прифаќаа.<br />
На почетокот тоа ми беше тешко, но секој може да биде во<br />
таква ситуација, не може секој да прифати секого. Сепак,<br />
сфатив дека ако некој не сака да ме прифати таква каква<br />
што сум, тоа не е мој проблем. Во текот на образованието<br />
немав овозможено еднакви услови како и другите ученици,<br />
а и денес немам. Немав Брајова литература во основно и<br />
средно училиште, мајка ми ми ги читаше лекциите, снимав<br />
на диктафон, па потоа ги учев. Во однос на пристапноста<br />
и движењето и ден-денес не се осмелувам да излезам<br />
Имаше скептици да не се<br />
запишувам на инструментален<br />
оддел на клавир, дека тоа ќе<br />
ми биде многу тешко, дека е<br />
подобро да одам на теоретски<br />
дел за професорка. Но, решив<br />
да се послушам себе и еве, сега<br />
сум четврта година на музичката<br />
академија и подготвувам<br />
дипломски труд. Најмногу ме<br />
исполнува кога излегувам да<br />
свирам на сцена, се чувствувам<br />
убаво на сцената.<br />
сама на улица да се движам. Културата ни е на ниско<br />
ниво, сообраќајот ни е хаос, улиците не се пристапни,<br />
звучните семафори што ги направија се грешни... Сè што<br />
постигнав е благодарение на напорот што е вложен од<br />
моето семејство, ништо конкретно не сум добила од некоја<br />
државна институција. Во средно училиште имавме обид да<br />
побараме аудиокниги од Министерството за образование за<br />
да ми се олесни начинот на учење, но не сакаа да ни дадат,<br />
затоа што наводно ќе сме ги злоупотребеле. На оваа тема<br />
сум зборувала многупати и мислам дека самите треба да се<br />
бориме за да се направи нешто. Се надевам дека сето тоа<br />
низ што поминав на тие од другите генерации, можеби за<br />
некој чекор ќе им биде олеснето затоа што многу е лошо и<br />
тешко да зависиш за учење од некој друг.<br />
Кога би направиле споредба со деновите во средното<br />
музичко училиште и сегашните студентски денови, колку<br />
вие лично се променивте низ годините, дали изградивте<br />
поинаков, похрабар став кон вашата ситуација?<br />
Дефинитивно сум многу изменета,<br />
во средно училиште уште бев дете<br />
и не знаев со што ќе се соочам<br />
понатаму во животот. Мислев дека<br />
сè е лесно, фино, наивно, дека е<br />
како дома. Но, како поминуваат<br />
годините, се соочувам со разни<br />
ситуации, добри и лоши, и мислам<br />
дека сум многу поцврста и похрабра<br />
од тоа што бев можеби и пред една<br />
година. Во однос на тоа колку<br />
оштетениот вид ме спречи за некои<br />
желби, како помала размислував<br />
многу околу тоа, на пример дека<br />
нема да можам да возам автомобил.<br />
Тогаш тоа го сфаќав многу трагично.<br />
Но, сега не гледам така на работите,<br />
сега го прифаќам тоа без проблем,<br />
впрочем и многу мои другарки<br />
што имаат нормален вид не возат<br />
автомобил. Во принцип, секоја желба што ја имав мислам<br />
дека ја постигнав, иако со повеќе труд, а сепак на крајот се<br />
исплатело.<br />
Кога почнавте да користите асистивна технологија,<br />
компјутер со посебна говорна програма за лица со оштетен<br />
вид, и колку тоа ви го олесни функционирањето?<br />
Во прва година од средно училиште почнав да ја користам<br />
асистивната технологија. Одев во здружението „Отворени<br />
прозорци“, за да ми покажат како се користи софтверот<br />
на компјутер за лица со оштетен вид што го имав уште од<br />
претходно. Дотогаш мислев дека нема да можам никогаш да<br />
користам компјутер, дури и на сестра ми, и се лутев зашто таа<br />
може да користи, а јас не. Меѓутоа, асистивната технологија,<br />
со напредокот на технологијата воопшто, многу го олеснува<br />
секојдневието и функционирањето. Преку тоа сум многу<br />
посамостојна, не треба некој друг да ми прочита порака, да<br />
23