Portret Magazine No13

Wonder Womеn
во примањата се големи, за истото натпреварувачко ниво.
Можеби тоа се должи на поголемата заинтересираност за
машкиот ракомет, а поголемата заинтересираност значи и
поголем број спонзори. Мислам дека најголемата разлика
во платите постои во управувачкиот дел на компаниите
особено кога се работи за највисокиот дел од менаџментот
(извршни директори итн.). Сметам дека во моментов, овој
вид нееднаквост тешко може да се надмине, меѓу другото
и поради тоа што робуваме на некои стереотипи особено
кога се работи за балканските простори.
Данела Арсовска,
претседателка на Сојуз на стопански
комори на Македонија
Бисера Чадловска,
диригентка во Македонска опера
и балет
НЕ СМЕЕ ДА СЕ ДОЗВОЛИ ЗА ИСТА РАБОТА НЕКОЈ ДА
БИДЕ ПЛАТЕН ПОМАЛКУ, А НЕКОЈ ПОВЕЌЕ
Сум читала дека постои разлика во примањата помеѓу
мажите и жените, па дури и до 30 отсто, ако не се лажам,
зависи во кој сектор. Сепак, јас сум вработена во државна
установа и затоа кај нас нема разлики, дали е диригентот
маж или жена платата е иста. Од друга страна, за мене
е интересно што јас сум единствена жена-диригентка,
а мислам дека има и други области, каде што жените се
значително помалку присутни од мажите.
Колку што сум информирана, во финансискиот сектор
е најмала разликата во платите, а во земјоделскиот
најголема. Исто така, најпогодени се жените со помал
степен на образование како тие што имаат само основно
образование, а најмала е разликата меѓу мажите и жените
со високо образование. Тргнувајќи од себе, сметам дека
доколку некоја жена сака нешто да работи не постојат
доволно силни бариери, било да е сектор каде што нема
воопшто жени или, пак, тие се помалку платени. Но, надвор
од тоа исто така сметам дека во едно општество не смее да
се дозволи за иста работа некој да биде платен помалку, а
некој повеќе, по која било основа.
ПРЕД ЗАКОНИТЕ МАЖИТЕ И ЖЕНИТЕ СЕ ЕДНАКВИ, НО
НА ТЕРЕН БРОЈКИТЕ СЕ ПОИНАКВИ
Во приватниот сектор, жените не се доволно застапени на
раководни позиции. За разлика од квотите што постојат во
политиката и во јавниот сектор, во приватниот сектор нема
гарантирани квоти и секој треба да се избори на пазарот
согласно својата компетентност и квалитет и постои
нерамноправна борба на мажите и жените. И покрај тоа
што жените се храбри и смели на раководните функции,
тие не се доволно застапени, пред сѐ поради стереотипите
и недоволната свесност во Република Македонија.
Потребно е да се најдат начини како да се поттикнат и
да се поддржат жените да стапат на раководни функции,
бидејќи ако во политиката со гарантирани квоти има 30
до 40 проценти застапеност, во бизнисот таа е од 2 до 12
проценти.
Во најголем број жените се вработени во услужната
дејност или се на пониски работни позиции од мажите и
токму тука е разликата и во примањата. Жените кои се во
бизнисот имаат добри идеи, придонесуваат во тимовите
во кои работат и повеќе емоции инвестираат во работата.
Меѓутоа, тоа е и предност, бидејќи даваат нов поглед на
начинот на кој се врши дејноста во одредена компанија.
Пред уставот и законите мажите и жените се еднакви,
меѓутоа на терен бројките се поинакви, потребно е да
се зголеми свеста за еднаквите можности. Во Сојузот на
стопански комори на Македонија, Групацијата за жени
во бизнисот активно придонесува со свои предлози
и мерки, во насока на промоција на женските идеи и
можности. Групацијата брои над 260 членови, поточно
жени на високи позиции во корпоративниот свет, но и
жени-сопственици на бизнис. Заеднички успеваме да
придонесеме во стимулирање на одредени програми
што имаат цел да ги поддржат жените во тековното
работење преку реализација на наменски обуки за жените
и имплементација на различни проекти за поддршка во
процесот на добивање на консултантски услуги и пристап
до финансии за компаниите раководени од жени.
43