П Р А В И Л Н А ХРОНО К О М Б И Н А Ц И Ј А ИСХРАНА • О Д П Р О Д У К Т И Хроно-диетата, односно начинот на исхрана што скоро и воопшто не ограничува внес на продукти во организмот, стана популарна последниве години, токму поради флексибилноста во начинот на исхрана. За разлика од рестриктивните диети за брзо слабеење, што бараат откажување од многу продукти, за овој начин на исхрана е карактеристична правилна комбинација од разна храна во одредени временски периоди. А и нема откажување од чоколадо, што е дополнителен мотив диетата да се воведе во секојдневната исхрана. :)
ПОТЕКЛО И ПРИНЦИПИ НА ДИЕТАТА Првиот принцип на хроно-исхрана ја има осмислено доктор Ален Делабоа, француски нутриционист од осумдесеттите години на минатиот век, што се заснова на почитување на законитостите на природниот ритам на лачење на хормоните и ензимите во организмот. Некои ензими се излачуваат наутро, некои напладне, трети навечер, што значи дека одделни продукти спонтано лесно се варат во одреден дел од денот, па тогаш треба и да се јадат. Американската докторка Ана Гифинг ја приспособила програмата на Делабоа и со многу промени дошла до своја лична програма што почнала да ја применува врз своите пациенти од 2005 година, а официјално е регистрирана и патентирана во 2009 година. Оваа програма е единствена по тоа што им помага на луѓето да дојдат до идеалната тежина, а со тоа и да си го подобрат сопственото здравје. Предност на програмата на хроно-исхраната е во тоа што никогаш не се јавува таканаречениот „јо-јо“ ефект (губење-враќање на тежината), а метаболните нарушувања трајно се решаваат. ШТО ПОДРАЗБИРА ЕДЕН ХРОНО-ДЕН? Првата фаза од програмата на исхрана е таканаречениот рестриктивен режим што трае 28 дена и подразбира неконсумирање на брзи (прости) шеќери во облик на слатки, овошjе, бел/жолт шеќер, вештачки засладувачи... како и на алкохолни пијалаци што содржат висока концентрација на алкохол. По спроведување на рестриктивниот режим, одредени продукти постепено се вклучуваат во исхраната. Појадокот треба да биде обилен и пожелно е да има јаглехидрат, на пример леб, според принципите на хроно-исхраната, путер, некое месо или јајца и салата. Во никој случај не е добро да се биде гладен до ручекот, па затоа е пожелно појадокот да биде обилен, затоа што треба да се издржи 5,5 часа без храна, а грицкањето меѓу оброците е забрането. Ручекот, пак, треба да биде разновиден. Еден оброк треба да се состои од месо, сиров или варен зеленчук и задолжително салата по желба. Исто така, треба да се испие по една чаша вода, половина час пред и по ручекот. Вечерата треба да биде едноставна и лесна. Еден лесен протеин и некој зелен, бел или жолт зеленчук. Тоа може да биде белка, бело месо, риба... За вечера не смее да се јаде ништо што е црвен зеленчук, бидејќи тоа има поголем глихемиски индекс. Најдобар избор е еден протеин и еден зеленчук. По вечерата, нека помине барем еден час, пред спиење. СОВЕТИ ЗА ПОДОБРИ РЕЗУЛТАТИ • Со цел да се утврди постојната здравствена состојба, во приватните клиники низ Македонија можат да се направат неопходните дијагностички процедури, што вклучуваат и тест за интолеранција на храна. • Задолжителни се три главни оброци во денот (појадок, ручек, вечера) со временско растојание од четири до шест часа меѓу нив. Дозволен е внес на вода и чаеви од билки (не овошни). • Препорачливо е секогаш да се подготвува домашна храна и да се избегнува мешање на многу различни производи. • Јаглехидратите се дозволени само за појадокот, додека за ручекот и вечерата се забранети, а доколку се чувствувате сити, можете и сосема да ја прескокнете вечерата. • За ужина помеѓу оброците, иако е препорачливо да се избегнува, може да биде едно суво овошје, малку ореви, неколку маслинки, малку кикиритки, лажичка мед или 30 грама црна чоколада со 70 проценти какао. • Треба да се избегнуваат конзервирани производи и производи на кои не им го знаете потеклото, замрзнати и со многу конзерванси. Хроно-рецептите можете да ги најдете на интернет-страниците или во посебни книги за готвење на хроно-начин во книжарниците низ земјава.