Portret Magazine No13

Портрет убавина
20
години
Во знакот на примарната нега
Дваесеттите се деценија што е најважна за нега на кожата и на телото. Како ќе ја негувате кожата во оваа
деценија ќе се одрази понатаму во текот на годините. Токму ова е период да се создадат вистински и здрави
навики, секако без претерување и често користење на непотребни козметички производи. Иако нивоата на
протеинот колаген и на хормонот естроген сè уште се високи, што предизвикува кожата да сјае, да биде
блескава и затегната со изедначен тен, сепак најчеста во овој период е појавата на таканаречените „возрасни
акни“ (adult acne), особено околу месечниот циклус. Зголемени пори, помрсна кожа и исфрлање со акни околу
брадата за време на циклусот се најчестите промени на кожата во дваесеттите години од животот. Освен тоа,
ноктите стануваат покршливи во овој период и ако претходно сте имале подолги и поцврсти нокти, сега е
можно да растат побавно.
Нега со витамини и природни состојки: Хидратацијата е најважна во овој период за вашата кожа. Производи
со благи состојки што ја врзуваат водата во кожата, како што е хијалуронската киселина, се ефикасни, а не ги
затвораат порите и помагаат да се задржи влажноста. Освен тоа, препорачливо е и да се користат кремови
за сончање со фактор 15 или 20, како и производи што содржат мед, но и домашни маски од природен, сиров
мед, бидејќи помагаат во борбата со акните. Витамините Д и Е, како и цинкот и железото, пак, помагаат за
растот на косата и ноктите.
80