Create successful ePaper yourself
Turn your PDF publications into a flip-book with our unique Google optimized e-Paper software.
У м е т н о с т а н а п и е њ е т о в и н о<br />
РУБИНОВА БОЈА<br />
ВО ЧАША ВРАНЕЦ<br />
Во месецот на прослави и празници, виното е неизбежен дел од честитките и составен дел на празничните трпези<br />
насекаде низ светот. За сите љубители на црвеното вино, во овој број се фокусиравме на сортата вранец, водечка<br />
сорта во Македонија и една од најконсумираните за време на празничниот период. За нејзините карактеристики, но<br />
и со какви вкусни комбинации од јадење се служи, поразговаравме со м-р Петар Петров, асистент на Универзитетот<br />
МИТ – Скопје, при Факултетот за менаџмент на еколошки ресурси, катедра за безбедност на храна.<br />
Висококвалитетно црвено вино<br />
Вината добиени од сортата вранец спаѓаат во групата на висококвалитетни<br />
црвени вина, категоризирани како средно јаки до јаки вина, доволно<br />
хармонични, многу добро обоени и богати со екстракти. Младите вина вранец<br />
имаат светлопурпурна боја со арома на џем од јагоди, овошни плодови и<br />
ситнозрнести овошја. Зрелите средно јаки до јаки вина се со интензивна темна<br />
рубинова боја, богати со екстракти и обоени материи. На вкус се хармонични,<br />
со нагласен сортен мирис. Имаат комплексна арома што личи на шумско<br />
овошје и дрвенести мириси. Најчесто се меша со сортите каберне совињон<br />
и мерло. Квалитетот на виното покрај од агроеколошките и агротехничките<br />
услови и биолошките карактеристики на сортата, во голема мера зависи и од<br />
технологијата на производство. Постапката за производство на црвени вина<br />
најчесто е слична за сите сорти вина. Се одвива низ неколку процеси: гмечење,<br />
мацерација, ферментирање и зреење.<br />
Антиоксидативна моќ<br />
Вранецот е вино што кај нас, генерално, се консумира како младо вино, но<br />
значителни поквалитетни својства добива со неколку годишно правилно чување<br />
(зреење). Се одликува со многу благороден хемиски состав (полифеноли,<br />
органски киселини, алкохоли, јаглехидрати, алдехиди, минерали и други<br />
биоактивни молекули). Гледано од здравствен и нутритивен аспект има<br />
исклучително висока антиоксидативна моќ, што влијае врз намалувањето на<br />
развојот на канцерогените клетки, намалување на појавата на дијабетес и некои<br />
невролошки и дементни нарушувања. Изразената рубинова црвена боја доаѓа<br />
од фенолните соединенија, од антоцијаните, што, пак, имаат директно влијание<br />
врз намалување на ризикот од кардиоваскуларни болести. Исто така, високата<br />
содржина на калиум има изразено диуретичко својство. Како што велам, во<br />
црвеното вино има здравје.<br />
Комбинации со јадења од месо, печурки и зеленчук<br />
Повеќето консументи виното го сфаќаат како опојна материја, а не како<br />
благородна напивка. Со години наназад кај нас при консумацијата на вино<br />
постои традиција на негово пиење, но таа навика треба да се промени со<br />
културно уживање во благодатите на виното, а тоа подразбира секојдневна<br />
консумација на една до две чаши вино. Чашите во кои се служи вранецот<br />
треба да бидат изработени од висококвалитетно стакло, со широка топка (60-<br />
70 милиметри) и отвор од 43 до 48 милиметри. Во ваквите чаши, послужено на<br />
температура од 16 до 18 Целзиусови степени, се чувствува максималното буке<br />
на вранецот. Препорачливо е да биде послужено со главните јадења, и тоа<br />
црвени меса, месо од живина (пилешко) со поароматизирани сосови, како и со<br />
помасни риби. Исто така, може да се служи и со печурки, салати од домати и<br />
зеленчуци на скара, а во однос на десертите секогаш треба да се внимава да не<br />
се служи со преслатки десерти.