You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Јин-Јанг<br />
МАЈА КИРОВСКА, УМЕТНИЦА<br />
ЧОВЕК ТРЕБА ДА<br />
СЕ ОСЛОБОДИ ОД<br />
ОТРОВИТЕ<br />
Уметноста функционира надвор од<br />
правилата<br />
Пишува: Ана Јовковска<br />
АЈ: Уметноста ќе го спаси светот. Да или не?<br />
МК: И да и не. Уметноста ги согледува проблемите, што секако<br />
помага во таа насока, но потребна е помасовна активност на<br />
повеќе полиња.<br />
АЈ: Кои се најопасните синџири на градот?<br />
МК: Достапноста на сите „удобности“.<br />
АЈ: Светот знае да биде и големо садистичко место. Во мојата<br />
фантазија светот би бил…<br />
МК: Урамнотежен!<br />
АЈ: Современо и архаично во исто време е?<br />
МК: Уметноста е таква.<br />
АЈ: Патетична меланхолија е...<br />
МК: Тажењето по минатото.<br />
АЈ: Декември е месец на?...<br />
МК: Месец на изложби и шопинг.<br />
АЈ: Феминизмот е важен затоа што...<br />
МК: Затоа што феминизмот е заложување за рамнотежа.<br />
АЈ: „Никогаш во животот не сум имал мое ателје и не разбирам<br />
како може да се слика затворен меѓу четири ѕида. Мене ми<br />
треба убавината на воздухот“, Клод Моне. Коментар?<br />
МК: Немањето ателје, соодветни услови и средства за творење се<br />
само изговор. Некогаш е доволно парче хартија и место каде да<br />
го потпрете.<br />
АЈ: Херои за мене се?<br />
МК: Луѓето кои несебично ги инвестираат сопственото време,<br />
сили и знаења за доброто на сите.<br />
АЈ: Што им е заедничко на уметноста и демократијата?<br />
МК: Ништо! Уметноста функционира надвор од многу правила.<br />
АЈ: Најдоброто од независната културна сцена во Скопје се...<br />
МК: Не знам дали е најдобро, но мене ми е најдраго :) – еден<br />
пример од независната сцена во Скопје од пред неколку години<br />
Арт И.Н.С.Т.И.Т.У.Т.<br />
АЈ: Која е најважната морална порака на која ве научил животот<br />
досега?<br />
МК: Треба реално да ги процениш сопствените способности и<br />
знаење.<br />
АЈ: Ако уметноста е бунт против колективното молчење, тогаш<br />
кој крик би вреснал од вашите уметнички дела кон денешново<br />
наше општество?<br />
МК: Моите дела зборуваат за различни нешта што го креираат<br />
дисбалансот во нашето општество.<br />
АЈ: Енди Ворхол или Ван Гог?<br />
МК: Гении се и двајцата!<br />
АЈ: Нобелова награда за мир би дал на...<br />
МК: Наградите не се секогаш праведни. Има многу поединци, но<br />
и колективи кои вложуваат огромни напори за подобро утре.<br />
АЈ: Која слика најдобро го илустрира вашиот живот?<br />
МК: Веројатно моите. :) Сите мои дела се одраз на<br />
размислувањата во одреден период во животот.<br />
АЈ: Од минатава година сакам да заборавам...<br />
МК: Дури и она што е лошо или непријатно не треба да се<br />
заборава, треба да се памети како пример за да не се повтори.<br />
Фотографија: Жарко Чулиќ<br />
132