You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Јин-Јанг<br />
ЈАНЕ ЧАЛОВСКИ, УМЕТНИК<br />
НАЈВАЖНАТА МОРАЛНА<br />
ПОРАКА Е ДА НЕ<br />
МОРАЛИЗИРАМ<br />
Зборовите за татко ми беа голема<br />
одговорност<br />
АЈ: Уметноста ќе го спаси светот. Да или не?<br />
ЈЧ: Не, уметноста нема да го спаси светот од себеси! Таа е<br />
хуманистичка појава што гради и разградува чувства, процеси и<br />
мисли. Уметноста не спасува само еден свет туку таа е тука за да<br />
возбуди и да возобнови милион интимни светови кога тие ќе се<br />
изгубат во сивилото.<br />
АЈ: Кои се најопасните синџири на градот?<br />
ЈЧ: Емотивните и економските!<br />
АЈ: Светот знае да биде и големо садистичко место. Во мојата<br />
фантазија светот би бил…<br />
ЈЧ: Спротивно од тоа. „Убав е светот крaј нема“ – тоа е<br />
последниот стих од мојата омилена песна „Исповед на<br />
староседелецот“ од мојот татко, поетот Тодор Чаловски.<br />
Песната штоја опишува интимната болка од соочувањето со<br />
неповратното. Истовремено го опишува и моментот кога таа<br />
болка ќе се залекува со повикот за игра упатен до беседникот од<br />
страна на неговото дете.<br />
АЈ: Современо и архаично во исто време е?<br />
ЈЧ: Поезијата! Зборовите за татко ми беа голема одговорност.<br />
Светот го градеше преку беседи за комплексните чувства и<br />
состојби на современиот човек.<br />
АЈ: Патетична меланхолија е...<br />
ЈЧ: Пијана состојба. :)<br />
АЈ: Декември е месец на?...<br />
ЈЧ: Илузија!<br />
АЈ: Феминизмот е важен затоа што...<br />
ЈЧ: Затоа што еднаквоста е важна!<br />
АЈ: „Никогаш во животот не сум имал мое ателје и не разбирам<br />
како може да се слика затворен меѓу четири ѕида. Мене ми<br />
треба убавината на воздухот“, Клод Моне. Коментар?<br />
ЈЧ: Моне знаел што му треба, но бил исто така многу повластен и<br />
успешен и имал можности да работи во идеални услови. Денес е<br />
неверојатно тешко да работиш како уметник и да опстојуваш од<br />
својот труд.<br />
АЈ: Херои за мене се?<br />
ЈЧ: Луѓето кои навистина прават нешто за восхит се оние што не<br />
мислат за себе како херои, ниту, пак, хероизмот им е причината<br />
заради која се осмелиле да тргнат по патот на заедничкото и<br />
праведното.<br />
АЈ: Што им е заедничко на уметноста и демократијата?<br />
ЈЧ: Потенцијалот, идеалите, несовршеноста, заедницата,<br />
разочарувањето и малите победи, а големите планови...<br />
АЈ: Најдоброто од независната културна сцена во Скопје се...<br />
ЈЧ: Има многу храбри луѓе кои ги ставаат заедничките интереси<br />
пред партикуларните.<br />
АЈ: Која е најважната морална порака на која ве научил животот<br />
досега?<br />
ЈЧ: Да не морализарам!<br />
АЈ: Ако уметноста е бунт против колективното молчење, тогаш<br />
кој крик би вреснал од вашите уметнички дела кон денешново<br />
наше општество?<br />
ЈЧ: Дека промената е неминовна.Се надевам дека во мојата<br />
уметност има придвижувачка иницијатива кон свртување на<br />
погледот кон личната одговорност.<br />
АЈ: Енди Ворхол или Ван Гог?<br />
ЈЧ: Историја на уметност. :)<br />
АЈ: Нобелова награда за мир би дал на...<br />
ЈЧ: Има еден мал милион активисти кои сигурно ја заслужуваат.<br />
АЈ: Која слика најдобро го илустрира вашиот живот?<br />
ЈЧ: Таа е комбинација на апстракција, геометрија и органскиприроден<br />
елемент што се доживува како инцидентен. Не знам<br />
дали постои таква слика, но сигурно е синтеза на уметноста на<br />
Агнес Мартин и Пол Тек и цртежите и објектите на син ми Теодор.<br />
АЈ: Од минатава година сакам да заборавам...<br />
ЈЧ: Веќе сум заборавил многу небитни работи, глупости. Имало<br />
и препукувања меѓу довчерашни соработници кои, за жал, не<br />
можам да ги заборавам, а би сакал.<br />
133