You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
МАЈА АРГАКИЈЕВА<br />
СЛАДОК СВЕТ ИНСПИРИРАН<br />
ОД НАЈМАЛИТЕ<br />
Фотографката Маја Аргакијева создава вистинска уметност за новороденчиња, бебиња и деца, фотографирајќи ги во најразлични моменти и<br />
ситуации. Со фотографија се занимава повеќе од 20 години, а со фотографирање бебиња, последните пет години.<br />
„По раѓањето на моите ќерки-близначки, Каја и Веда, во 2011 година, целосно го насочив својот фокус кон нив две, личен, како мајка, но и<br />
фотографски. Сè до моментот на нивното раѓање, немав некоја идеја дека ќе се занимавам со детска фотографија. Фотографирав сè, најчесто<br />
концерти и документарна фотографија. Фотографиите од нив две очигледно допреа до срцата на многу луѓе, па почнав да добивам барања за<br />
фотографирање и на други бебиња. Така, малку по малку, станав фотограф на бебиња, другото е историја. :) Работата со бебиња, а посебно со<br />
новороденчиња, е најубавото нешто што некому може да му се случи. Свесна сум за тоа и бескрајно сум благодарна“, вели Аргакијева.<br />
Фотографијата ѝ е голема љубов откако памети за себе, а нејзините почетоци, како што раскажува, се врзани за стариот фотоапарат „Зенит“<br />
од татко ѝ. „Сè уште се сеќавам колку бев возбудена и фасцинирана кога го открив. Откако го купив првиот дигитален SLR-фотоапарат, не<br />
одев никаде без него и фотографирав сè што ќе ми се видеше интересно. Од 2004 година сум член на Фотоклубот ’Елема‘ од Скопје, еден од<br />
најстарите фотоклубови во Македонија. Имам учествувано на интернационални и домашни изложби и освоено повеќе награди. Последната<br />
е од годинешната меѓународна изложба по фотографии ’Фотомедија‘, односно прва награда за поединечна фотографија од Фотосојузот на<br />
Македонија (ФСМ) и диплома за колекција фотографии, исто од ФСМ. Наградените фотографии се од колекцијата ’Циркус‘, направени летово во<br />
Бугарија“, додава Аргакијева. Во овој број, погледнете ги слатките фотографии од бебиња!