Portret Magazine No13

Семеен портрет
СРЕЌНО НЕВЕНЧАНИ
Пишува: Џејлан Рустемоска
ПОРТРЕТ НА ЉУБОВТА НА ГОЛДИ ХОУН И КУРТ РАСЕЛ
Во Холивуд, каде што браковите се многубројни како и
филмовите, но минливи како годишните времиња, љубовта на
Голди Хоун и Курт Расел е вистински евергрин. Триесет и три
години по ред тие одлучуваат да траат, без бурми, потписи и
врамени фотографии од свадба што ќе ги потсетуваат дека
така треба да биде, едноставно избирајќи се еден со друг
секој нов ден. Денес се речиси во нивните седумдесетти,
но изгледаат подеднакво романтични и блиски како на
фотографиите од раните почетоци. Единствена двојка од
ваков вид, тие се вљубените „бунтовници“ од Холивуд.
Првпат се среќаваат во далечната 1968 година. „Пресладок,
но малечок“ е коментарот на Голди, помалку разочарана
од сознанието дека не смее да се затреска во Курт Расел
кога првпат го запознава на сетот на мјузиклот „Еден
и единствен, оригинален, вистински семеен бенд“. Toj
има само шеснаесет години и глуми откако знае за себе.
Десетина години наназад игра улоги во семејните филмови
на Дизни. Иако премлад, умее да го забележи во Голди
истото што ги излудува и другите мажи. Таа има дваесет и
една година и по повеќегодишната кариера како танчарка
си ја испробува среќата на полето на филмот, најчесто
играјќи во комедии. Нејзината улога во мјузиклот е кратка
и споредна. Приземна и самокритична, за себе смета
дека не ги исполнува класичните канони за холивудска
убавина, а и нема превисоки очекувања од својата филмска
кариера. Еве како се опишува себеси: „Имам преголеми очи,
сплескан нос, неправилни уши, преголема уста, а премало
лице. Да не зборуваме за глуждовите, толку слаби што
морам да носам по два пара чорапи за да не привлекуваат
внимание“. Но, нејзината спонтана појава, продорните сини
очи и зашрафена насмевка, смислата за хумор, ведрината и
леснотијата со која ги игра како своите улоги, така и животот,
ќе ја направат една од највпечатливите и најнеодоливите
актерки на нејзиното време. Како и да е, за Курт Расел е
прерано да ѝ биде љубов. Искрите завршуваат со снимањето
на филмот, а тие имаат пред себе цела кариера за градење и
уште многу срца за освојување.
Велат дека ако две риби треба да се сретнат, џабе му е
на морето да е и стопати поголемо. Тогаш, што останува
за Холивуд?! Петнаесет години подоцна, по многубројни
успешни улоги, по некој неуспешен брак (два нејзини, еден
88