Portret Magazine No13

НАЈСВЕЖИТЕ BEAUTY
ТРЕНДОВИ ВО
СЕЗОНАТА СО LANCÔME
Дознајте кои се најновите мејкап-трендови и задолжителни
производи за сезоната што следува во beauty интервјуто со
регионалната мејкап-артистка за Lancôme, Ивана Лисак.
Ивана, повеќе од 15 години секојдневно создавате
уметност во светот на козметиката и шминката. Што
особено се истакнува во последните 14 години, колку
што работите за луксузниот бренд Lancôme? Што ја прави
вашата работа возбудлива, интересна, несекојдневна?
Дали се тоа новите производи, новите формули или, пак,
трендови, на пример?
Lancôme како бренд сам по себе е голема инспирација. Сѐ
уште се радувам на секој нов производ, бидејќи тоа секогаш
е причина за добра игра, кога е во прашање мејкапот.
Токму во однос на трендовите – што според вас е пресудно
за одреден мејкап изглед или производ да стане тренд, хит
за сезоната? Кој или што е најзаслужно за наметнување на
актуелните трендови?
Со интернетот и социјалните мрежи се промени сѐ. Сѐ
уште ги следиме големите светски модни недели, славните
креатори и нивните модни ревии, бидејќи трендовите таму и
почнуваат. Но, сега, во рок од 24 часа знаеме што всушност
се случува на некоја модна недела, додека некогаш бевме
принудени да го чекаме објавувањето на следниот број на
модните магазини. И уште кога на овој супер брз проток
на информации дополнително ќе ги додадете блогерите,
влогерите, ИТ-девојките... Трендовите сега доаѓаат од
очигледни и не толку очигледни извори, но особено ми е
драго зајакнувањето на „уличната мода“ , бидејќи тоа се
реални жени кои ја носат шминката на свој начин, а тоа
секогаш е најубаво.
Велат дека најкорисните совети доаѓаат од
професионалците. Токму затоа, кои се вашите предлози
за дневен, односно вечерен изглед за сезоната есен/зима
2016/17? Кои се производите што се едноставно must haves?
Кои нијанси и бои се носечки?
Црниот ајлајнер е голем тренд веќе неколку сезони, ајлајнерот
Grandiôse е „must have“ за едноставно постигнување на
посакуваниот изглед. Усните во црвена боја се во тренд, од
светла боја на цреша до боја на вино, сјајни или мат, сето тоа
може да се најде во новата линија на кармини L'Absolu. За
моја голема среќа, трендот што повторно се врати се сјајните
и светкави сенки за очи, што одлично се приспособуваат
за претстојната сезоната на забави и прослави. Можеби
најголемо изненадување на сезоната е сината сенка.
Која е тајната во креирањето на долготрајна шминка што
нема да направи чувство на тежина на лицето?
Квалитетни, правилно одбрани производи се основа за
секој добар „мејкап“. Друга важна работа е техниката на
нанесување, со основно правило дека со нанесени повеќе
тенки слоеви лицето секогаш изгледа поприродно и фино
прекриено, отколку еден дебел слој. Лично, не верувам во
фиксатори што не функционираат еднакво на сите типови
кожа, бидејќи за добар и долготраен „мејкап“ сепак е
потребно време и вештина.
За квалитетните козметички производи и формули не постои
нешто како хит за само една сезона – тие се безвременски.
Според вас, кои производи влегуваат во оваа категорија
на класици. Што задолжително треба да го поседува една
негувана, самоуверена жена?
Она што го слушам кога разговарам со жените за нивниот
„мејкап“ е дека речиси на сите најважна им е течната пудра
и маскарата. Црвениот кармин им е неизбежен за секој ден
или за свечена пригода. Со црниот молив за очи можат да се
изведат чуда, од „smokey eyes“ до ајлајнер.
За крај, кои се вашите омилени производи од Lancôme, што
секогаш ги имате во вашиот козметички несесер?
Секогаш со себе имам Genifique, покрај тоа што го користам
како серум, одличен е за освежување на лицето во текот на
денот. Често го натапкувам врз „мејкапот“ за постигнување
на осветлувачки ефект. Маскарата Definicils сѐ уште е
мојата омилена. Поради лесното нанесување и користење,
воодушевена сум од сите нови производи „Cushion“, oд Teint
Idole Cushion пудрата, преку Blush Subtil Cushion руменилото,
па сѐ до Juicy Shaker сјајот за усни.