Portret Magazine No13

Дизајн и декор
Модерна верзија на класичните камини се
металните, самостоечки камини што висат
од таванот и зафаќаат многу малку простор.
Самостоечките камини можат да бидат и со
футуристички дизајн независно од тоа дали
се на гас или, пак, се електрични.
И вѕиданите камини можат да бидат
минималистички доколку се прикриени. Во
полн декоративен сјај ќе дојдат до израз
кога ќе бидат вклучени.
Иако практиката вели дека каминот грее
во една просторија, постои можност тој да
биде поставен помеѓу две простории што е
и практично и естетско решение.
Камините што припаѓаат на
скандинавскиот декор начесто се аголни,
во форма на декоративна печка или
ѕидани во тула.
Доколку со каминот сакате да постигнете
ретро-ефект, одберете рустикален камин,
односно стилизирана печка на дрва.
109