Create successful ePaper yourself
Turn your PDF publications into a flip-book with our unique Google optimized e-Paper software.
Колумна<br />
Ugly<br />
Betty<br />
Последниов месец<br />
се чувствувам прегрда. Без<br />
посебна причина, од чиста мира<br />
почнав секое гледање во огледало да си пронаоѓам<br />
маани. Работите стојат вака. Лице: hard core црни подочњаци,<br />
хормонски влакна, непослушни веѓи, уста без пигмент. Брчки тон,<br />
„среќна“ околност што сите ми се онакви мимички, од смеење. Коса најседа.<br />
Уште од неполни 25 години, без да видам дух, под чудни околности преку ноќ<br />
оседев целосно. Поседа сум од баба ми и со години мака мачам со фарбање, шатирање<br />
и сл. Телото не се осудувам да го коментирам. Три царски реза, гради минимум три години<br />
цицани, и задник Ким Кардашијан без фотошоп.<br />
Дополнителна нервоза ми правеше маж ми што кога ми ги откри нервозите без престан ме<br />
замараше: - „Опааа 40 години уште малку, ти не се приметуваш ама тетка си скроз“. Секој ден<br />
смислуваше нови начини да ме нервира и му беше презабавно. Зашто фазата со креми за брчки ја<br />
имав веќе поминато, заклучив дека ми останува да преземам порадикални мерки. Дааа тоа е тоа, сега<br />
кога ќе си се средам, ботоксче, лифтингче, хијалуронче, па силикони, па третмани. Господ да ме види - си<br />
мислам пресреќна и забележувам старачка пеѓа на раката.<br />
Одма се пуштив во разгледување сајтови на естетско - корективни салони за убавина, и одма ми се направи<br />
нервоза од еден факт што го занемарив во мојот преоптимистички план. Сѐ е со боцкање, со игли и со<br />
трпење болка. Се храбрам дека сум издржала три царски реза и закажувам некој третман со кислород за<br />
кој што сто пати прашав да ми потврдат дека е безболен. Ќе почнам вака light си викам и ќе се мотивирам и<br />
ќе станам несопирлива.<br />
Со недели се измачував и одев на разноразни третмани сѐ до една вечер кога редовната проверка на<br />
телефонот на син ми (не ме осудувајте одма, престресно е да растеш деца во доба на ССМ- страшни<br />
социјални мрежи) не ми ја намали маката. Си пишува фраеров мој со една од симпатиите на вибер,<br />
и ѝ вика: „Па што и јас кога ќе бидам стар како татко ми ќе бидам ќелав како него. Па девојчево му<br />
одговара: „Хахахаха и јас кога ќе бидам стара како мајка ми ќе имам многу брчки.“ Оооооо мали<br />
монструми едни си викам, татко ти можеби е ќелав ама е фраер. А мајка ти госпоѓице мала,<br />
преслатка, има 30 години! И нема брчки, барем не многу. И од кај ти воопшто знаеш што<br />
е брчка? Ме обзема среќа дека ми пораснало детето. Си викам сѐ е ова нормално,<br />
сѐ е ова живот. Да сум здрава и духот да си го сочувам па друго сѐ се поправа.<br />
А и да не се поправа нема да се сликам за Playboy. Си ја галам вештачката<br />
коса до газ, си се храбрам со мантри „ Still fabulous at 40“ и не ни<br />
забележувам колку брзо лета времето. Скоро е 16 часот, а<br />
јас веќе многу каснам на ласер.<br />
Ружица Антиќ<br />
*Текстот не е лекториран со цел да се задржи автентичноста