Baltische Studien. - Digitalisierte Bestände der UB Greifswald

nach qwam der canceler Eickstede to mi vnd fragede. wo id
doch in der see wier, jfft die Swedische vlatbe noch vorhanden ?c.
Id qwam ock noch Joachim Berckhane vnd fragede, jfft wi
nicht wüsten, wo vele ehrer lhom Sund doch wol gestoruen
wiern. Darup sede ick em, dat dar wol jn die 6090 gestoruen
wiern :c. Darmit fhuren wi daruan vnd qwemen noch wedder
thor Mutzet bürg. Dar funden wi Emanuel Foltzkow sampt
siner vrown vnd kindern für vns, die wedder nha hus wolden.
Auerst Balher Steuen qwam vam Sund ock to vns vnd sede
vns, wo dat her Danckwardt Ha ne gestoruen vnd ern Jürgen
Mollers vrow seher kranck wier. Des volgenden dags fhur
wi van dar bet gen Zyten jensydt Anclam; dar bleue wi nacht.
Vnd als wi van dar des folgenden morgens fhuren, belegende
vns Hans Mellentin; die spranck van dem wagen vnd sede
vns, wo dat mi eine dochter affgestoruen vnd gistern dingsdages
begrauen wier; he wüst auerst nicht eigentlich welcke; jedoch hielde
he id daruor, dat id die oloeste wier, den id wier ein euen groch
graff gewesen u. Wie wi nu rhom Gripswolde wiern, kumt
her Brand Hartman to mi vnd clagt auer v. Gruwel, wo
dat he der vpgerichteden tranLaction nicht nachkommen wolde lc. ;
bat mi, ene tounderrichten, dat he hielde, wat he bewilliget lc.
Als wi auerst vam Gripswolde fhurn, belegende vns Karsten
Swart; die sede vns, dat id mine oldesie dochter gewesen, dan
hie wier ehr suluest nha thom ar-aue geuolget; sede ock, dat
Carsten Parow, Hans Bomer, de junge Wieckman vnd
ander niel^r gude lüde gestoruen wiern, wo wie den des folgenden
donnerdags, als wi — Got heb' loff^ vnd danck — mit liues
gesundheit wedder tohus qwemen, wider wol erfhürn.
'-
27. lmj. entsieng ick ij kleine potken: ein mit t^riac, dat
ander mit nu'tbriäat,, welcke her Brand Hartmann vam
Gripswolde mi sende sampt einem brieue, darin he mi die
qelegenheyt syner saken mit I). Oruwel toerkennen gaff lc.
28. iw^. volgede ick des vorsioruen ern Marx Tidemans
nagedleuc!'. soneken na thom graue, dar des dags touorn sin stef-
vader Carl.cn Parow jngelegt was.