SAY LIBRO NEN MORMON

241 Sulat nen Pablo,Saray
SMITH, JOSEPH F.
Say komanem a Pañgulo na Simbaan;
say saksakey ya anak nen Hyrum tan
si Mary Fielding Smith. Sikato so inianak
nen 13 Nobiembre 1838 tan inatey
nen 19 Nobiembre 1918.
Si Joseph F. Smith akaawat na payawar
nipaakar ed pananundon ed saray
inaatey, D&P 138.
SMITH, LUCY MACK. Nengneñgen
met so Smith, Joseph, Jr.; Smith,
Joseph, Sr.
Say ina nen Profeta Joseph Smith tan
asawa nen Joseph Smith, Sr. (JS—A
1:4, 7, 20). Sikato so inianak nen 8 Julio
1776 tan inatey nen 5 Mayo 1856.
Si Joseph anengneng to si ina to ed sakey
a payawar nipaakar ed panarian a
celestial, D&P 137:5.
SMITH, SAMUEL H. Nengneñgen
met so Smith, Joseph, Jr.
Say malangwer a laki ya agi nen Profeta
Joseph Smith (JS—A 1:4). Si Samuel
so inianak nen 1808 tan inatey nen
1844. Sikato so sakey ed saray Walora
a Tasi na Libro nen Mormon tan nanlingkor
a sakey ed saray managpulong
ed nipawil a Simbaan (D&P 23:4; 52:30;
61:33–35; 66:7–8; 75:13).
SODOMA. Nengneñgen met so
Gomorra
Dia ed Daan a Sipan, sakey a marelmeng
a ciudad a dineral na Katawan
(Gen. 19:12–29).
SOFONIAS
Sakey a profeta dia ed Daan a Sipan a
nambilay legan na impanoley nen Josias
(639–608 s.c.).
Say libro nen Sofonias: Say tekap 1 salitaen
to so agew ya onsabi a saya so napno
na sanok tan gonigon. Say tekap 2 bilinen
to so saray totoo ya anapen da so
inkamatunong tan kaolimekan. Say tekap
3 ibabaga to so Komadua ya Isabi,
sano say amin a bansa so mantitipon a
mambabakal. Angaman ontan, say
Katawan so manoley ni ed pegley da.
SOLOMON. Nengneñgen met si
Batseba; David
Dia ed Daan a Sipan, laki ya anak nen
David tan si Batseba (2 Sam. 12:24). Si
Solomon so nanari ed Israel ya agano.
Si David inñgaran to ya ari si Solomon,
1 Ar. 1:11–53. Si David binilin to
si Solomon ya onkurang unong ed say
pamaakaran na Katawan, 1 Ar. 2:1–9.
Say Katawan insipan to ed sikato so
makatalus a puso, 1 Ar. 3:5–15. Añgokom
ed baetan na duara ya ina tan naamtaan
to so tua ya ina na ogaw, 1 Ar.
3:16–28. Mambalikas na saray uliran
tan saray cancion, 1 Ar. 4:32. Nampaalagey
na templo, 1 Ar. 6; 7:13–51. Pinasanto
to so templo, 1 Ar. 8. Dinalaw na
reyna na Seba, 1 Ar. 10:1–13. Si Solomon
añgasawa ed paway na Israel, tan
saray asawa to pinatelek da so puso to
a mampikasi ed saray aliwa a tua a
dios, 1 Ar. 11:1–8. Say Katawan nampasnok
ed si Solomon, 1 Ar. 11:9–13.
Inatey, 1 Ar. 11:43. Si David improfesiya
to so gloria na impanoley nen Solomon,
Sal. 72. Si Solomon akaawat na
dakel ya asawa tan kamalala, balet say
arum ed sikara so ag-inawat na Katawan,
D&P 132:38 (Jacob 2:24).
SULAT NEN PABLO, SARAY.
Nengneñgen met so Pablo; saray
paulo na balang sinansakey a sulat
Saray labin-apat a libro ed Balo a Sipan
a saraya so unaan a sulat ya insulat
nen Apostol Pablo ed saray miembro
na Simbaan. Saraya so nayari a naapagapag
ed saray olop a mantumbok:
1 tan 2 Taga Tesalonica (k.c. 50–51)
Si Pablo insulat to so saraya a sulat ed
saray taga Tesalonica a nanlapu ed Corinto
legan na komadua ya impambaroy
to a nampulong. Say kimey to ed Tesalonica
so nipaliwawa ed Saray Gawa
17. Labay to so ompawil ed Tesalonica,
balet sikato so ag la akapawil (1 Tes.
2:18). Dia ed saya imbaki to si Timoteo
a ligliwaen to so saray apasimbalo
tan mañgawit ed sikato na balita nipaakar
ed no panon so kipapasen da. Say
unaan a sulat so say nansumpalan na