SAY LIBRO NEN MORMON

Israel 94
nen Jacob ed komadua ya asawa to a si
Raquel. (1 Awa. 5:1–2). Si Levi, a say
tribo to so pinili na Katawan a manlingkor
a managpulong to ed inkasacerdote,
so ag añgawat na tawir lapu
ed nidumaroma a kimey da a mantalima
ed limog na amin a tribo. Saya so
añgiabuloy ed doble ya apag nen Jose
a panaapagan na saray lalaki ya anak
nen Jose, si Efraim tan si Manases
(1 Awa. 5:1; Jer. 31:9), a sikara so nibilang
a biig a tribo na Israel (ijs, Gen.
48:5–6).
Saray kabiañgan na tribo na Juda so
manmaliw a manañgoley anga ed onsabi
so Mesias (Gen. 49:10; ijs, Gen.
50:24). Dia ed saray sampot ya agew
say tribo na Efraim so walaan na pankanawnawa
a mañgawit na balita na
inkipawil na evangelio ed mundo tan
say pantitipon na ataytayak ya Israel
(Deut. 33:13–17). Say panaon onsabi
sano dia ed panamegley na evangelio
nen Jesu Cristo, si Efraim so nawalaan
na gagawaen ed pañgipañgulo na pantitipon
na amin a tribo na Israel (Isa.
11:12–13; D&P 133:26–34).
Say inkataytayak na Israel: Say Katawan
intayak tan dinusa to so labindua a
tribo na Israel makaseñgeg ed aginkamatunong
tan panagalsa ra. Bangbalet,
say Katawan inkana to met so
saya ya inkataytayak na apili a totoo to
ed limog na saray bansa na mundo pian
bendicionan to so saraman a bansa.
Itayak takayo ed limog na saray bugkalot,
Lev. 26:33. Say Katawan itayak
to ka ed limog na amin a totoo, Deut.
28:25, 37, 64. Iyawat ko ra ya ekalen ed
amin a panarian ed dalin, Jer. 29:18–
19. Yakayaken ko so abong na Israel
ed limog na amin a bansa, Amos 9:9
(Zac 10:9). Si Jesus so nibaki ed saray
abalang a karnero na abong na Israel,
Mat. 15:24. Wala so sananey a karnerok
ya angapo ed saya ya olop, Juan
10:16. Say Israel so nataytayak ed
amin a pasen na dalin, 1 Ne. 22:3–8. Si
Jacob ingena to so tungtong nen Zenos
nipaakar ed maamo tan balang a kiew
na oliva, Jacob 5–6. Say kimey na Ama
so ongapo ed limog na saray atayak a
tribo, 3 Ne. 21:26.
Say pantitipon na Israel: Say abong na
Israel so natipon a manoolop dia ed
saray sampot ya agew sakbay ya onsabi
si Cristo (A na P 1:10). Say Katawan
tiponen to so saray totoo to ya Israel
sano awaten da tan onoren da so saray
gangan to.
Sikato so mañgipaalagey na tanda tan
sikara so ondago, Isa. 5:26. Katekep na
baleg a panañgasi tiponen takayo, Isa.
54:7. Say Israel tan Juda so natipon ed
dili a dalin da, Jer. 30:3. Say Katawan
tiponen to so abong na Israel manlapu
ed saray totoo no iner ira akatayak,
Eze. 28:25. Dia ed panaon na inkagnap
tiponen to so amin a beñgatla ed si
Cristo, Efe. 1:10. Kasumpal a say Israel
so natayak, sikara so natipon, 1 Ne.
15:12–17. Say Katawan tiponen to so
amin a totoo ed abong na Israel, 1 Ne.
19:16 (3 Ne. 16:5). Sikara so nipaway
ed kabiloñgetan tan nakabatan da a say
Katawan so Manañgilaban da, 1 Ne.
22:12. Say Dios tiponen to tan bilañgen
to saray anak to, 1 Ne. 22:25. Saray
bansa na saray Gentiles awiten da so
Israel ed dalin a tawir da, 2 Ne. 10:8
(3 Ne. 16:4). Saray totook tan say salitak
so natipon a mankasakey, 2 Ne. 29:13–
14. Saray elders so atawag pian tiponen
da so saray apili, D&P 29:7 (D&P
39:11). Tiponen ko so saray pinilik,
D&P 33:6. Mantitipon kayo pian niiter
ko so gangan ko tan napalaboan kayo,
D&P 38:31–33. Bawien ko so saray totook,
a sikara so abong na Israel, D&P
39:11. Saray Sasantos so onsabi, D&P
45:46. Si Moises initer to so saray tumbok
na pantitipon, D&P 110:11. Say
inkamatunong tan katuaan panisan to
so dalin tan tiponen to so saray pinili
na Katawan, Moises 7:62. Say pantitipon
so nipareng ed pantitipon na saray
agila, JS—M 1:27.
Saray samplora ya abalang a tribo na
Israel: Saray samplora a tribo na Israel
so anugyop na mamabaybay a panarian
na Israel tan sikara so naawit ya
adakep ed Asiria sanen 721 s.c. Dia ed