SAY LIBRO NEN MORMON

25 Balo tan Andi-Angaan a Paknaan
BALMO NA GALAAD
Sakey ya ambaliñgit a yaket a manlalapu
ed tanaman odino rekado ed kanen
ya ikana a pantambal na sugat
(Gen. 43:11; Jer. 8:22; 46:11; 51:8). Sakey
a tanaman a mañgiiter na yaket a
gagawaen da a balmo so dakel ya ontutobo
ed Galaad nen saray panaon na
Daan a Sipan kanian say balma so akabatan
a “balmo na Galaad” (Gen.
37:25; Eze. 27:17).
BALO A BII. Nengneñgen met so
Pankaabigan
Sakey a bii a say asawa to a laki so inatey
tan sikato so ag la akiasawa lamet.
Saray ulila ed ama tan say balo a bii so
onsabi tan sikara so mañgan, Deut.
14:29. Saya a duka a balo a bii impelag
to ya amin a wala ed sikato, Mar.
12:41–44. Dalawen ira so saray ulila ed
ama tan balo a bii ed kaermenan da,
San. 1:27. Say Katawan so maples a tasi
sumpa ed saraman so manlames ed
balo a bii, 3 Ne. 24:5 (Zac. 7:10). Saray
balo a bibii tan saray ulila so taganoen,
D&P 83:6 (D&P 136:8).
BALO A JERUSALEM
Say pasen a pantitiponan na saray
Sasantos tan si Cristo sikato a dili so
manoley a kaiba to ira legan na Milenium.
Say Sion (say Balo a Jerusalem)
so ipaalagey ed America, tan say dalin
so napasimbalo tan makaawat na malaparaiso
a gloria (A na P 1:10). Saya
met so nipaakar ed masanto a ciudad a
saya so onleksab manlapu ed tawen
dia ed igapo na Milenium.
Say gangan so onkurang ya ompaway
ed Sion, Miq. 4:2. Say ñgaran na ciudad
na Dios so Balo a Jerusalem, Apoc. 3:12.
Si Juan anengneng to so masanto a ciudad,
balo a Jerusalem, Apoc. 21:1–5.
Saya a totoo so iletneg ko ed saya a
dalin, tan saya so manmaliw a Balo a
Jerusalem, 3 Ne. 20:22. Sakey a Balo a
Jerusalem so ipaalagey ed America,
Ether 13:3–6, 10. Say ciudad na Balo a
Jerusalem so kaukolan ya iparaan, D&P
42:9, 35, 62–69. Saray Sasantos so mantitipon
tan mañgipaalagey na Balo a
Jerusalem, D&P 45:63–75. Say Balo a
Jerusalem so ipaalagey ed Missouri,
D&P 84:1–5 (D&P 57:1–3). Say Cordero
so ontalindeg ed Palandey na Sion
tan dia ed tapew na masanto a ciudad,
say Balo a Jerusalem, D&P 133:56. Say
tabernaculok so tawagen a Sion, sakey
a Balo a Jerusalem, Moises 7:62.
BALO A SIPAN. Nengneñgen met so
Biblia; Masanto a Kasulatan, Saray
Saray atiptipon ya insulat (so nanlapu
ya unaan ed Griego) a nipaakar ed bilay
tan impampulong nen Jesu Cristo,
saray Apostoles, tan saray arum a mananumbok
nen Jesu Cristo. Say Balo a
Sipan so naapag ed saray Evangelio,
saray Gawa na saray Apostoles, saray
sulat nen Pablo, saray karaklan a sulat,
tan say libro na Apocalipsis.
Saray apatira ya Evangelio—say libro
nen Mateo, Marcos, Lucas, tan Juan—so
kasulatan nipaakar ed bilay nen Cristo.
Say libro na saray Gawa so kasulatan na
awaran na Simbaan tan saray Apostoles,
lalo la ed impambaroy nen Pablo a
nampulong, kasumpal na impatey nen
Cristo. Saray sulat nen Pablo añgiter na
simbawa ed saray manañgipañgulo
na Simbaan tan saray miembro. Saray
arum a sulat so insulat na saray arum
ya apostoles tan añgiter na kaaruman
a bilin ed saray inmouna a Sasantos. Say
libro na Apocalipsis, a saya so nisulat
ed panamegley nen apostol Juan, lugan
to so saray profesiya a karaklan nipaakar
ed saray sampot ya agew.
BALO TAN ANDI-ANGAAN A
PAKNAAN. Nengneñgen met so
Paknaan
Say inkagnap na evanglio nen Jesu
Cristo (D&P 66:2). Saya so balo ed balang
sakey a panaon a saya so nipuyan
ya apasimbalo kasumpal na panaon
na impamaolian ed pananisia. Saya so
angapo so angaan lapu ed saya so paknaan
na Dios tan saya so nangayagaan
ed amin a dispensasyon na evangelio
no iner saray totoo mabolbulos so linawa
ra a mañgawat ed saya. Say balo