SAY LIBRO NEN MORMON

Pamaandi,Bagat a Pamaandi na Kasalanan 188
Mambabawi; Mapañgasi,
Panañgasi; Pamaandi na saray
Kasalanan; Pañgipasak ed Krus;
Pankatunoñgan, Patunoñgen;
Pamasanto; Pirdonaen; Plano na
Pananundon; Sacramento
Say pipulañgan na too ed Dios.
Unong na inkikana ed saray masanto
a kasulatan, say pamaandi so say
panirap na dusa onkana ed impankasalanan,
dia ed ontan naekel so nansumpalan
na kasalanan ed saman so
mambababawi a nankasalanan tan naabuloyan
a mipolañgan ed Dios. Si Jesu
Cristo sikato labat so awalaan na pakayari
a mangawa na nagnap a bagat a
pamaandi na kasalanan onkana ed
amin a katooan. Ayarian to a ginawa
so saya lapu ed inkapili to tan inkaordinan
to ed Baleg a Konseho sakbay a
say mundo so niletneg (Ether 3:14;
Moises 4:1–2; Abr. 3:27), say divino ya
Inkadios Anak to, tan say angapo so
kasalanan a bilay to. Say bagat to a pamaandi
na kasalanan akapila so impanirap
to ya onkana ed saray kasalanan
na katooan ed Tanamanan na Getsemani,
say interter na dala to, tan say
impatey to tan say tinmumbok ya inkioli
to ed bilay a nanlapu ed lobuk
(Isa. 53:3–12; Mosiah 3:5–11; Alma 7:10–
13). Lapu ed Bagat a Pamaandi na Kasalanan,
amin a too so ombañgon
manlapu ed saray inaatey a nawalaan
na laman ya ag-ompatey (1 Cor. 15:22).
Say Bagat a Pamaandi na Kasalanan
mañgiter met na dalan ed sikatayo a
napirdona ed saray kasalanan tayo tan
miayam ed ando la ya ando ed Dios.
Balet say sakey a too ya arapat to la so
taon a wala so eebatan tan naawat to la
so gangan so nayari ya awaten to so
saraya a bendicion no sikato so nawalaan
na pananisia ed si Jesu Cristo,
mambabawi ed saray kasalanan to,
awaten to so tutuntonen na kilalaban,
tan onoren to so saray gangan na Dios.
Saraman so ag da narapat so taon a
wala so eebaten tan saraman so angapo
ed sikara so gangan so nadundon
ed panamegley na Bagat a Pamaandi
na Kasalanan (Mosiah 15:24–25; Moro.
8:22). Saray masanto a kasulatan malinlinew
a mañgibabañgat a no si Cristo
ag to pinaandi so saray kasalanan tayo,
angapo so gangan, tutuntonen, odino
bagat a makapenek ed pankaukolan
na kaptekan, tan kapiganman say too
ag to nagamoran lamet so kiwala ed
Dios (2 Ne. 2; 9).
Saya so dalak, a tinmerter onkana ed
dakel dia ed pamaandi na saray kasalanan,
Mat. 26:28. Say liñget to so siñga
ankakabaleg a terter na dala, Luc.
22:39–44. Iter ko so laman ko onkana
ed mundo, Juan 6:51. Siak so inkioli ed
bilay, tan say bilay, Juan 11:25. Si Cristo
so andi-angaan a kilalaban ed amin a
mañgonor, Heb. 5:9. Sikatayo so apasanto
ed interter na dala nen Cristo,
Heb. 9; 10:1–10. Si Cristo so aminsan
nanirap ed saray kasalanan, 1 Ped.
3:18. Say dala nen Jesu Cristo nilinisan
to tayo ed amin a kasalanan, 1 Jn. 1:7.
Sikato so nipasak ed krus tan inatey
makaseñgeg ed saray kasalanan, 1 Ne.
11:32–33. Say kadondon so onsabi ed
saraman so awalaan na maermen a
puso tan mambabawi ya espiritu, 2 Ne.
2:3–10, 25–27. Initer to so inkasikato a
bagat ya onkana ed kasalanan, 2 Ne.
2:7. Say Bagat a Pamaandi na Kasalanan
dinundon to so too manlapu ed
inkigapol tan inlaban to ira ed patey
tan infierno, 2 Ne. 9:5–24. Nakaukolan
so andi-angaan a bagat a pamaandi na
kasalanan, 2 Ne. 9:7. Mipolañgan ed
Dios ed panamegley na bagat nen Cristo
a pamaandi na kasalanan, Jacob 4:11.
Say dala to so mamaandi na kasalanan
na saraman so ag da kabat so impankasalanan
da, Mosiah 3:11–18. Say too
inawat to so kilalaban ed panamegley
na Bagat a Pamaandi na Kasalanan,
Mosiah 4:6–8. No ag lapu ed Bagat a
Pamaandi na Kasalanan, sikara so kaukolan
andi-saew a nabalang, Mosiah
13:27–32. Sikato so mamaandi na kasalanan
na mundo, Alma 34:8–16. Say
Dios a dili so mamaandi na kasalanan
na mundo, pian nagawa so plano na
panañgasi, Alma 42:11–30. Siak so
Dios na amin a dalin, inatey makaseñgeg
ed kasalanan na mundo, 3 Ne.