SAY LIBRO NEN MORMON

Inkataytayak na Israel 90
INKATAYTAYAK NA ISRAEL.
Nengneñgen so Israel—Say
inkataytayak na Israel
INKATOO. Nengneñgen so
Inkalaman a Karutakan; Kalinisan
na Laman; Panamong ya
Ag-nankasal; Pikakaloguran
INKAUGALI NA TOO. Nengneñgen
met so Inianak ed Dios, Nianak
Lamet; Inkigapol nen Adan tan si
Eva; Makamundo
Sakey a too a pilien to a natanguyor na
saray biskeg a liknaan, pampilalek,
pampilalek ed panañgan, tan saray
liknaan na laman nen say palikna na
Espiritu Santo. Saray onia a too so makatalus
na saray beñgatla nipaakar ed
inkalaman balet aliwa a saray maespiritu
a beñgatla. Amin a totoo so makamundo,
odino walaan na bilay ya ompatey,
makaseñgeg ed inkigapol nen
Adan tan si Eva. Balang sakey a too
kaukolan a nianak lamet ed panamegley
na bagat nen Jesu Cristo a pamaandi
na kasalanan pian ontonda so inkaugali
ra a too.
Say inkaugali na too ag makaawat na
saray beñgatla nipaakar ed Espiritu,
1 Cor. 2:14. Say inkaugali na too so kabosol
na Dios tan sikato so nipulisay,
Mosiah 3:19. Siopaman a mañgipasuot
ed dili ya inkamundo to so mampatuloy
ed nigapol a kipapasen to, Mosiah 16:5
(Alma 42:7–24; D&P 20:20). Anto ya
inkaugali na too a makapikabat ed saraya
a beñgatla? Alma 26:19–22. Say
inkaugali odino makamundo a too so
angapo so Dios ed saya a mundo,
Alma 41:11. Makaseñgeg ed impankasalanan
to, say too nanmaliw ya inatey
ed inkaespiritu, D&P 29:41. Ni say
sakey ya inkaugali a too ag makapansiansia
ed kawalaan na Dios, D&P
67:12. Tan say too ginmapo a makamundo,
makalaman, tan makademonyo,
Moises 5:13 (Moises 6:49).
INKIGAPOL NEN ADAN TAN SI
EVA. Nengneñgen met so Adan;
Bilay ya Ompatey, Bilay ed Dalin;
Dundonen, Adundon, Pananundon;
Eva; Inkaugali na Too; Jesu Cristo;
Pamaandi, Bagat a Pamaandi na
Kasalanan; Patey, Inkaespiritu a;
Patey, Inkalaman a; Plano na
Pananundon
Say impañguman na katooan a nanmaliw
a too ya ompatey dia ed dalin.
Sanen si Adan tan si Eva so añgan na
nisebel a buñga, sikara so nanmaliw a
too ya ompatey, a dia ed saya, nayari
ira a mankasalanan tan ompatey. Si
Adan so nanmaliw ya “unaan a laman”
ed tapew na dalin (Moises 3:7). Saray
puyan ed kaunoran ya agew so mamalinew
a say Inkigapol so sakey a bendicion
tan si Adan tan si Eva so kaukolan
a pagalañgan ya unaan ya ateng na
amin a katooan.
Say Inkigapol so makana a kutdang
ed iyaliguas na too. Makaseñgeg ed say
Dios kabat to a say Kigapol so nagawa,
sikato so añgiplano dia ed bilay sakbay
ed dalin na sakey a Manañgilaban. Si
Jesu Cristo so sinmabi ed kapegleyan na
panaon pian paandien to so inkigapol
nen Adan tan ontan met ed saray dili a
kasalanan na too no mambabawi ra.
Dia ed agew a sika so mañgan ed saya
sika so pete-peteg ya ompatey, Gen.
2:17 (Moises 3:17). Sikato so añgala na
buñga ed saman, tan kinan to, Gen. 3:6
(Moises 4:12). Lapu dia ed si Adan amin
so ompatey, iñgen dia ed si Cristo amin
so nabilay, 1 Cor. 15:22. Amin a katooan
so wala ed inkabalang tan nigapol a
kipapasen, 1 Ne. 10:6. Say dalan so niparaan
la manlapu ed inkigapol na too,
2 Ne. 2:4. Kayari nen Adan tan si Eva
ya añgan na nisebel a buñga, sikara so
pinapaway ed Tanamanan na Eden,
2 Ne. 2:19. Si Adan nigapol pian say
too nagawa, 2 Ne. 2:15–26. Say inkaugali
na too so kabosol ed Dios, tan saya
so nanlapu la ed inkigapol nen Adan,
Mosiah 3:19. Si Aaron imbañgat to ed
say ama nen Lamoni so nipaakar ed
Inkigapol, Alma 22:12–14. Kaukolan a
nagawa so bagat a pamaandi na kasalanan
no andi amin a katooan so nigapol
tan nabalang, Alma 34:9. Saray
unaan ya ateng tayo so ataksing man-