SAY LIBRO NEN MORMON

107 Juan,Laki ya Anak nen Zebedeo
sakey a bantog a pañgaligan a matuor
a managbakal tan profeta.
Say libro nen Josue: Saya a libro so inñgaran
ed si Josue makaseñgeg ed sikato
so manunaan a too ed saya tan aliwa a
lapu ed sikato so nansulat. Onong ed
kaugalian na saray Judio, si Jeremias
insulat to so libro nen Josue, inala to a
nanlapu ed saray inmuna a kasulatan.
Saray tekap 1–12 so mañgipaliwawa na
inkatalo na Canaan; saray tekap 13–24
so mañgibabaga a saray tribo na Israel
inapagapag da so dalin tan saray sampot
a bilin nen Josue.
Duara ed saray balitado a versiculo
ed libro nen Josue so gangan na Katawan
ed sikato ya omameñgen to so
masanto a kasulatan (Jos. 1:8) tan tawag
nen Josue ed saray totoo a manmaliw a
matuor ed Katawan (Jos. 24:15).
JUAN, LAKI YA ANAK NEN
ZEBEDEO. Nengneñgen met so
Apostol; Evangelio, Saray;
Inkasacerdote nen Melquisedec;
Puyan nen Juan; Totoo a Nauman
so Indeñgan da
Sakey ed saray Labindua ya Apostoles
ed Balo a Sipan, sakey a laki ya anak nen
Zebedeo, tan laki ya agi nen Santiago.
Dia ed kasakbayan na bilay to sikato
so sumisigay (Mar. 1:17–20). Nayari a
sikato so ag-niñgaran a disipulo nen
Juan Bautista ya abitla ed Juan 1:40.
Dia ed kaunoran sikato so akaawat na
tawag a manmaliw a disipulo nen Jesu
Cristo (Mat. 4:21–22; Luc. 5:1–11). Sikato
so nansulat na say Evangelio nen
Juan, saray talora a sulat, tan say libro
na Apocalipsis. Sikato so sakey ed saray
talora a kaiba na Katawan dia ed impañgibañgon
ed bii ya anak nen Jario
(Mar. 5:35–42), dia ed Palandey na Inkauman
na Indeñgan (Mat. 17:1–9), tan
dia ed Getsemani (Mat. 26:36–46). Dia
ed dili ya insulat to imbaga to a sikato
so disipulo ya inaro nen Jesus (Juan
13:23; 21:20) tan sikato so “sananey a
disipulo” (Juan 20:2–8). Si Jesus tinawag
to met tan say agi to a laki a si Boanerges,
“saray laki ya anak na karul” (Mar.
3:17). Wala so dakel ya impakabitla ed
sikato dia ed awaran na inkipasak ed
krus tan say inkioli ed bilay (Luc. 22:8;
Juan 18:15; 19:26–27; 20:2–8; 21:1–2).
Si Juan dia ed kaunoran so naandi ed
Patmos, no iner diman to insulat so libro
na Apocalipsis (Apoc. 1:9).
Si Juan so naynay ya abitla ed saray
puyan ed kaunoran ya agew (1 Ne.
14:18–27; 3 Ne. 28:6; Ether 4:16; D&P 7;
27:12; 61:14; 77; 88:141). Saraya a versiculo
so mamaneknek ed kasulatan ed
Biblia nipaakar ed si Juan tan saya so
mañgiter met na aralem a pakatalus ed
kabaleg tan kakanaan na kimey ya initer
na Katawan ed sikato a gawaen to
ed dalin sanen panaon na Balo a Sipan
tan dia ed saray sampot ya agew. Saray
masanto a kasulatan ed kaunoran
ya agew so mamalinew a si Juan so ag
inatey balet sikato so naabuloyan a
mansiansia ed dalin a managpulong ya
igagangan anga ed panaon na komadua
ya isabi na Katawan (Juan 21:20–23;
3 Ne. 28:6–7; D&P 7).
Saray sulat nen Juan: Angaman say nansulat
ed saraya a sulat ag to binitla so
inkasikato ed ñgaran, saray pananalita
ed saraya maksil so piolibay to ed
say panagsulat nen Juan ya Apostol
kanian nipasen a sikato so nansulat ed
saraya ya amin a talo.
Say 1 Juan 1 so mamibilin ed saray
Sasantos a mangawa na pikakaaro ed
Dios. Say tekap 2 manisimbawa ed saray
Sasantos a kabaten da so Dios ed
panamegley na panañgonor tan igagangan
to ya ag da aaroen so mundo.
Say tekap 3 so tawag ed amin a manmaliw
ya anak na Dios tan manaroan
ira ed sakey tan sakey. Say tekap 4 so
mañgipaliwawa a say Dios so aro tan
manayam ed saraman so mañgaro ed
sikato. Say tekap 5 so mañgipaliwawa
a saray Sasantos so inianak ed Dios ed
panamegley na pananisia ed Cristo.
Say 2 Juan so mipadpara ed 1 Juan.
Dia ed saya si Juan so nangayaga lapu
ed inkamatuor na saray anak na “say
pinili a bii.”
Say 3 Juan so mañgidadayew ed sakey
a too a manñgaran na Gayo lapu