SAY LIBRO NEN MORMON

Elisabet 58
saray agew to, si Elias so nampulong
ed Mamabaybay a Panarian na Israel
(1 Ar. 17–2 Ar. 2). Sikato so walaan na
baleg a pananisia ed Katawan tan akabatan
lapu ed dakel a milagro. Sikato
so nampatonda na uran ed talora tan
kapaldua a taon. Sikato so nampabilay
na sakey ya ogaw a laki manlapu ed
patey tan tinawag to so apoy a nanlapu
ed tawen (1 Ar. 17–18). Saray totoo
a Judio so manaalagar ni ed si Elias ya
ompawil, unong ed improfesiya nen
Malaquias a gawaen to (Mal. 4:5). Sikato
so siansia ni anga ed natan so babagaan
a bisita ed saray fiesta na Judio, no
iner wala so lukas a puerta tan yuroñgan
ya angapo so akayurong so manaalagar
a lanang ed sikato.
Si Profeta Joseph Smith inkuan to a
si Elias bemben to so pakapanyari na
panagpaelet ed Inkasacerdote nen Melquisedec
tan sikato so sampot a profeta
a nambemben ed saya sakbay na panaon
nen Jesu Cristo. Sikato so nampanengneng
ed Palandey na Inkauman na
Indeñgan a kaiba to si Moises tan initer
da so saray tumbok na inkasacerdote
ed si Pedro, Santiago, tan si Juan (Mat.
17:3). Sikato so nampanengneng lamet,
kaiba to si Moises tan arum ni, sanen
3 Abril 1836, dia ed Templo na Kirtland
Ohio tan initer to so saraman lamlamang
a tumbok ed si Joseph Smith tan
si Oliver Cowdery (D&P 110:13–16).
Saraya ya amin so paraan ed komadua
ya isabi na Katawan, unong ed sinalita
nen Malaquias 4:5–6.
Say pakapanyari nen Elias so say
pakapanyari na panagpaelet ed inkasacerdote
no iner saray beñgatla a pinaeletan
odino naukbaran ed dalin so
napaelet odino naukbar ed tawen
(D&P 128:8–18). Saray apili ya igagangan
na Katawan ed dalin natan ya
agew so walaan ira na pakapanyari ed
panagpaelet tan pangawa na saray
mañgilaban a tutuntonen na evangelio
ya onkana ed saray mabilay tan saray
inaatey (D&P 128:8).
Pinaeletan so tawen tan pinakan na saray
baleg a wawak, 1 Ar. 17:1–7. Ingangan
to so bariles a panañginan na
tagano na balo a bii tan say panañginan
na larak ya ag onkulang, 1 Ar. 17:8–16.
Binilay to so laki ya anak na sakey a
balo a bii manlapu ed patey, 1 Ar. 17:17–
24. Tinalo to so saray sacerdote nen
Baal, 1 Ar. 18:21–39. Say maolimek a
melag a voces so nansalita ed sikato,
1Ar.19:11–12. Linma ed tawen dia
ed karwahe na apoy, 2 Ar. 2:11. Si Malaquias
improfesiya to so ipawil to ed
saray kaunoran ya agew, Mal. 4:5–6
(3 Ne. 25:5). Nampanengneng ed Templo
na Kirtland Ohio sanen 1836, D&P
110:13–16.
ELISABET. Nengneñgen met so Juan
Bautista
Dia ed Balo a Sipan, say asawa nen Zacarias,
say ina nen Juan Bautista, tan
bii a kanayon nen Maria (Luc. 1:5–60).
ELISEO
Sakey a profeta ed Daan a Sipan ed
Mamabaybay a Panarian na Israel tan
sakey a napampiyaan a managbilin na
dakel ya ari na saman a bansa.
Si Eliseo walaan na maoyamo tan
mapañgaro a panagnunot, ya angapo
so ampetang a pilalek a dia ed saya
say katawan to, si Elias, dia abirbir.
Saray bantog a milagro to (2 Ar. 2–5; 8)
so nampaneknek a sikato so peteg ya
añgawat na pakapanyari nen Elias sanen
sinublayan to si Elias a profeta
(2 Ar. 2:9–12). Say alimbawa, sikato
so nampaabig ed danum na ampait a
subol, pinambiigan to so saray danum
na Ilog Jordan, pinarakel to so larak na
balo a bii, binilay to so sakey ya ogaw
a laki manlapu ed patey, tinambal to
so laki ya akating, pinaletaw to so balatyang
a wasay, tan tinambal to so saray
taga-Siria na inkabulag (2 Ar. 2–6).
Say impampulong to so nambayag na
masoluk a limamplo a taon legan na
saray oley da di Jeram, Jehu, Jehoahaz,
tan Joas.
Inawat to so kolibemben na pakapanyari
nen Elias, 2 Ar. 2:13. Pinarakel
to so larak na balo a bii, 2 Ar. 4:1–7.
Binilay to so anak a laki na bii a Shunammite
manlapu ed patey, 2 Ar. 4:18–