SAY LIBRO NEN MORMON

Alma 46:8–16 448
baleg na a taluna ya agamoran
da ed saray Lamanite; tan say
agay la a gayaga ra lapu ed inkilaban
da dia ed panamegley
na lima na Katawan.
8 Dia ed onia anengneng tayo
no panon so a siglat na saray
anak na totoo a makalingwan
ed Katawan a Dios da, on, agay
la so siglat da a mangawa na
karelmeñgan, tan iarawi na sakey
a mauges.
9 On, anengneng tayo met so
baleg a a karelmeñgan na sakey a
mapalalo a mauges a too a saya
so amaseñgeg na agawa ed
limog na saray anak na totoo.
10 On, anengneng tayo a si
Amalickiah, lapu ed sakey a
too ya awalaan na plano na kasiliban
tan too ya awalaan na
dakel a mapasirayew a salita,
iarawi to so puso na dakel a
totoo a mangawa na kaugsan;
on, tan inanap to a deralen so
simbaan na Dios, tan pian deralen
to so letnegan na a kawayañgan
ya initer na Dios ed
sikara, odino say bendicion ya
initer na Dios ed tapew na dalin
ya onkana ed b saray matunong.
11 Tan natan agawa a sanen si
Moroni, lapu ed sikato so a pañgulo
na saray sankaatageyan
a manañgoley ed saray ñgayew
na Nephite, nadñgelan to so
saya ya insisian, sikato so mamapasnok
ed si Amalickiah.
12 Tan agawa a pinilat to so
kawes to; tan inala to so melag
a kabiañgan to nia, tan insulat
to ed saya so— a Dia ed pakanodnunotan
ed Dios tayo, ed
relihion tayo, tan kawayañgan
tayo, tan kareenan tayo, saray
kaasawaan tayo, tan saray anak
tayo—tan saya so impeket to
ed sampot na sakey a teken.
13 Tan insulong to so salimbeng
na ulo to, tan salimbeng
to ed pagew, tan say arum a salimbeng
to, tan imbalkes to so
kirlong to ed balambang; tan
inala to so teken, a dia ed sampot
to nia wala diman so pinilat
a kawes to, (tan saya so tinawag
to a laylay na kawayañgan) tan
sikato so yinmuko ed dalin, tan
nampikasi a sibibiskeg ed Dios
to onkana ed saray bendicion na
kawayañgan a komon onteen ed
saray kaagian to, anga ed wala
ni so olop na Cristiano a natitilak
a mankayarian na dalin—
14 Tan onia so saray matua a
mananisia ed si Cristo, a miembro
na simbaan na Dios, so
tawag na saraman so aliwa a
miembro na simbaan.
15 Tan saraman so miembro
na simbaan so matuor; on, amin
a matua a mananisia ed Cristo
inako ra ed inkasikara, a sililiket,
so a ñgaran nen Cristo, odino
b
Cristiano so tawag ed sikara,
lapu ed pananisia ra ed si Cristo
a sikato so onsabi.
16 Tan dia ed ontan, ed saya a
panaon, si Moroni so nampikasi
pian say pankaabigan na saray
Cristiano, tan say kawayañgan
ed saman a dalin so napalaboan.
7a Alma 44:19–20.
8a Hel. 12:2, 4–5.
9a Mosiah 29:17–18.
10a 2 Ne. 1:7;
Mosiah 29:32.
b 2 Ne. 1:7.
11a Alma 43:16–17.
12a Neh. 4:14;
Alma 44:5.
15a Mosiah 5:7–9.
b Gaw. 11:26;
1 Ped. 4:16.