SAY LIBRO NEN MORMON

Mormon 2:10–18 654
10 Tan agawa a saray Nephite
ginapoan da so mambabawi
ed saray karelmeñgan da, tan
ginapoan da so mannañgis na
angan siñga unong ed improfesiya
nen Samuel a profeta; tan
nia, angapo so too a nayarian to
ya isinop so antokaman a kayarian
to, makaseñgeg ed saray
matatakew, tan saray managpatey,
tan say majik, tan say
silib na manananem a saraya so
wala ed dalin.
11 Dia ed onia wala so ginmapo
a kaermenan tan paniñgel
ed amin a dalin lapu ed saraya
abeñgatla, a nagkalalo la ed
limog na saray totoo nen Nephi.
12 Tan agawa a sanen siak,
Mormon, anengneng ko so paniñgel
da tan saray panermen da,
tan say dageyem da ed arap na
Katawan, say pusok so ginmapo
ya ongayaga ed inkasiak, lapu
ed pikakabat ko ed panañgasi
tan andukey a panañgitepel na
Katawan, dia ed ontan no bilang
sikato so mapañgasi ed sikara
pian sikara lamet so manmaliw
a matunong a totoo.
13 Balet nia saya a gayagak
angapo so kakanaan to, lapu ed
say a paneermen da aliwa dia ed
pambabawi, lapu ed kaabigan
na Dios; balet saya so paneermen
na saray b naayew, lapu ed
say Katawan aliwa a lawas itepel
to a nagamoran da so c liket
ed kasalanan.
14 Tan ag ira dinmago ed si
Jesus ya awalaan na a puso a maermen
tan mambabawi ya espiritu,
balet b inayew da so Dios,
tan nampilalekan da so ompatey.
Manwari ya ontan sikara so
mibaliñgaan ed panamegley na
espada lapu ed bilay da.
15 Tan agawa a say paneermen
ko so pinmawil lamet ed siak,
tan anengneng ko a say a agew
na b gracia so c linmabas la ed sikara,
mandapag a dia ed inkalaman
tan inkaespiritu; lapu ed
anengneng ko so nilibo ed sikara
so inaatey ed mapalaway a
panagalsa sumpa ed Dios da,
tan sikara so nibunton a siñga
dutak ed tapew na dalin. Tan
dia ed onia so inlabas na komatlo
a lasus tan apataplo tan
apat a taon.
16 Tan agawa a dia ed saman
so komatlo a lasus tan apataplo
tan lima a taon saray Nephite
ginapoan da so ombatik ed arap
na saray Lamanite; tan sikara
so inosilan da ya anga ed akasabi
ra ed dalin na Jashon, sakbay
a nayari a patondaen da ra ed
isesener da.
17 Tan natan, say ciudad na
Jashon so asinger ed a dalin ya
añgisinopan nen Ammaron ed
saray kasulatan nipaakar ed Katawan,
pian saraya so ag naderal.
Tan nia siak so linma unong
ed salita nen Ammaron, tan inalak
so saray piligo nen Nephi,
tan ginawak so kasulatan unong
ed saray salita nen Ammaron.
18 Tan dia ed piligo nen Nephi
ginawak so nagnap a kasulatan
2 13a 2 Cor. 7:10;
Alma 42:29.
b pmk Inkaayew.
c Alma 41:10.
14a pmk Maermen a
Puso.
b pmk Salita Sumpa ed
Dios, Mansalita
Sumpa ed Dios.
15a Hel. 13:38.
b pmk Gracia.
c Jer. 8:20;
D&P 56:16.
17a Morm. 1:1–4.