SAY LIBRO NEN MORMON

17 Armagedon
Saray tekap 17–21 akasulat so saray
biang na impampulong nen Elias nen
sinimbawa to si Acab, Ari na Israel.
Say tekap 22 akasulat so bakal sumpa
ed Siria a diman si Acab tan Josafat, ari
na Juda, impanolop da so saray biskeg
da. Say profeta Micaya so namprofesiya
sumpa ed saray arari.
Komadua ya Ar-ari. Say tekap 1–2:11
nampatuloy so bilay nen Elias, a kaiba
so insegep nen Elias ed tawen ed karwahe
na apoy. Saray tekap 2–9 tungtoñgen
to so impampulong nen Eliseo
ed pananisia tan baleg a pakapanyari.
Say tekap 10 tungtoñgen to si Jehu, say
ari, tan panon to a dineral so abong
nen Acab tan saray sacerdote nen Baal.
Saray tekap 11–13 akasulat so matunong
ya impanoley nen Joas tan say
impatey nen Eliseo. Saray tekap 14–17
ibaga to so saray nanduroma ya arari
a nanoley ed Israel tan Juda, mabetbet
dia ed karelmeñgan. Say tekap 15 so
akasulatan so impandakep na Asiria
ed saray samplora a tribo na Israel.
Saray tekap 18–20 so akasulatan na
matunong a bilay nen Ezekias, say ari
na Juda, tan say profeta Isaias. Saray
tekap 21–23 ibaga to so saray arari
Manases tan Josias. Unong ed inkaugali,
si Manases so oneebat ed impanmartir
ed si Isaias. Si Josias so matunong ya
ari a sikato so añgiletneg lamet na
gangan ed limog na saray Judio. Saray
tekap 24–25 so akasulatan na impandakep
na Babilonia.
ARALAN NA SARAY PROFETA.
Nengneñgen met so Smith,
Joseph, Jr.
Dia ed Kirtland, Ohio (Estados Unidos
na America), legan na panaon na nieve
na 1832–1833, say Katawan ingangan
to si Joseph Smith a manugyop na
sakey ya aralan a say getma say pañgipasal
ed saray kaagian ed amin a beñgatla
nipaakar ed evangelio tan say
panarian na Dios. Nanlapu ed saya ya
aralan so saray inmouna a manañgipañgulo
na Simbaan. Sakey ni ya aralan
na saray profeta odino saray elders
so inkorang nen Parley P. Pratt ed
Jackson County, Missouri (D&P 97:1–
6). Wala ni so arum a mipadpara a
panagaralan so nipasen ag abayag ed
inialis na saray Sasantos ed Bokig;
angaman ontan, saraya so ag la nampatuloy.
Say panagbañgat na evangelio
ed saraya ya agew so gagawaen
ed abong, saray korum na inkasacerdote,
tan saray nankapigapiga ya
olopan ed Simbaan, tan dia ed panamegley
na saray eskwelaan na Simbaan
tan saray klase na seminary tan
institute.
Pasanto yo so inkasikayo tan bañgatan
yo so sakey tan sakey na saray doctrina
a nipaakar ed panarian, D&P
88:74–80. Anap mo a siseseet, tan bañgatan
so sakey tan sakey, D&P 88:118–
122. Say uksoy na aralan na saray profeta
so nigena, D&P 88:127–141. Say
Unaan ya Inkapañgulo bembenan to
so saray tumbok ed aralan na saray
profeta, D&P 90:6–7.
ARKANGEL. Nengneñgen met so
Adan; Miguel
Si Miguel, odino si Adan, so arkangel
odino pañgulo ya angel.
Say Katawan so onlasur a manlapu ed
tawen a kaulop to so eyag, katekep to
so voces na arkangel, 1 Tes. 4:16. Si
Miguel sikato so arkangel, Jud. 1:9
(D&P 29:26; 88:112; 128:20–21).
ARMAGEDON. Nengneñgen met so
Gog; Komadua ya Isabi nen Jesu
Cristo; Magog
Say ñgaran ya Armagedon so inaon ed
salita ya Hebreo Har Megiddon, a say
talus to say “palandey na Megido.”
Say patar na Megido so wala ed sagur
kabiañgan na patar a dalin na Esdraelon,
walomplo a kilometro ed baybay
na Jerusalem, tan saya so pasen na
dakel a baleg a bakal ed saray panaon
na Daan a Sipan. Sakey a baleg tan
sampot a laban so nagawa ed asinger
na panaon na komadua ya isabi na
Katawan so tatawagen a bakal na