SAY LIBRO NEN MORMON

47 David
Daniel dia ed Daan a Sipan; sakey a
profeta na Dios tan too ya awalaan na
baleg a pananisia.
Angapo so akabatan nipaakar ed saray
ateng to, angaman ontan sikato so
nanlapu ed mapagalang a kapolian
(Dan. 1:3). Sikato so naala ya adakep
ed Babilonia, a diman naawat to so
ñgaran a Beltasasar (Dan. 1:6–7). Si
Daniel tan saray arum ni a talora ya
adakep ag da inawat so kakanen na ari
makaseñgeg ed saray relihiyoso a katunoñgan
(Dan. 1:8–16).
Si Daniel naala to so palabo nen Nabucodonosor
tan si Dario ed panamegley
na pakampanyari to a mañgipatalus
na saray kugip (Dan. 2; 4). Binasa to met
tan impatalus to so saray sulat-lima ed
dingding (Dan. 5). Saray kabosol to
nannunoñgan sumpa ed sikato, tan sikato
so imbantak da ed kuloñgan na
saray leon, balet say Katawan so añgiagel
ed bilay to (Dan. 6).
Say libro nen Daniel: Say libro so awalaan
na duara ya inkaapag: saray tekap
1–6 so tungtong nipaakar ed si Daniel
tan saray talora a kaiba to; saray tekap
7–12 so payawar a nantekep na profesiya
ya anengneng nen Daniel. Say libro
ibabañgat to so kikana na panmaliw
a matua ed Dios tan impaliwawa a
say Katawan bendicionan to so saray
matuor.
Say manunaan a niiter na saya a libro
so say patalus na kugip nen Ari Nabucodonosor.
Dia ed kugip, say panarian
na Dios dia ed saray sampot ya agew
so nipasen a siñga sakey a baleg a bato
a tinaping ed sakey a palandey. Say
bato so ontolin anga ed nalaknaban to
so amin a dalin (Dan. 2; nengneñgen
met so D&P 65:2).
DANUM A MABILAY. Nengneñgen
met so Jesu Cristo
Sakey a pakapatnagan ed Katawan Jesu
Cristo tan saray imbabañgat to. A siñga
say danum a nakaukolan ed pansustoni
na bilay a pisikal, say Manañgilaban
tan saray bañgat to (mabilay a danum)
so nakaukolan ed andi-angaan a bilay.
Mangayaga kayo ya onasol na danum
a manlapu ed bubon na kilalaban, Isa.
12:3. Inkaindan da ak say subol na
saray mambilay a danum, Jer. 2:13. Siopaman
ya oninum ed saya a danum
ya iter ko sikato so ag napaet, Juan
4:6–15. No siopaman a too so napaet,
abuloyan yo ya onla ed siak, tan oninum,
Juan 7:37. Say tibukel a balatyang
so mamaarap ed subol na danum
a mabilay, 1 Ne. 11:25. Miinom kayo
ed saray danum a mabilay a mabolbulos,
D&P 10:66. Saray gangan ko so
manmaliw a bubon na danum a mabilay,
D&P 63:23.
DARIO. Nengneñgen met so Babel,
Babilonia
Dia ed Daan a Sipan, ari na Medes a
nanoley ed Babilonia kasumpal na impatey
nen Belsasar (Dan. 5:31; 6:9, 25–
28; 9:1; 11:1).
DAVID. Nengneñgen met so Batseba;
Salmos
Sakey ya ari ed kadaanan ya Israel ed
Daan a Sipan.
Si David so laki ya anak nen Jesse ed
tribo na Juda. Sikato so malangwer a
laki ya awalaan na biskeg na linawa ya
amatey na leon, sakey ya uso, tan say
higante a Filisteo a si Goliat (1 Sam.
17). Si David so apili tan alanaan ya ari
na Israel. Siñga si Saul, sanen tinmakken
ed bilay to sikato so nankasalanan
na saray ambelat a kasalanan, balet,
aliwa a siñga si Saul, ayarian to so
nambabawi a peteg. Dia ed onia sikato
so akagamor na pirdona, likud ed say
impampapatey to ed si Urias (D&P
132:39). Say bilay to so nayari a naapag
ed apatira a biang: (1) dia ed Belen, no
iner sikato so sakey a managpastol
(1 Sam. 16–17); (2) dia ed panarian nen
Ari Saul (1 Sam. 18–19:18); (3) sakey a
manaamot-amot (1 Sam. 19:18–2 Sam.
1:27); (4) sakey ya ari ed lapag na Juda
ed Hebron (2 Sam. 2–4), tan dia ed kaunoran
ari ed lapag na Israel (2 Sam.
5–1 Ar. 2:11).
Say kasalanan nen David a pikakaloguran
ed si Batseba so atumbokan