SAY LIBRO NEN MORMON

Agar 6
so nepeg a manalwar no panon da ya
ikana so ñgaran ko ed saray bibil da,
D&P 63:61–62.
AGAR. Nengneñgen met so Abraham;
Ismael, Laki ya Anak nen
Abraham
Dia ed Daan a Sipan, say taga-Egipto a
managlingkor nen Sara. Sikato so nanmaliw
ya asawa nen Abraham tan say
ina nen Ismael (Gen. 16:1–16; 25:12;
D&P 132: 34, 65). Say Katawan insipan
to ed si Agar a sakey a baleg a bansa
so manlapu ed anak to a laki (Gen.
21:9–21).
AGEW NA KATAWAN. Nengneñgen
so Agew na Ñgilin; Komadua ya
Isabi nen Jesu Cristo; Panañgokom,
Say Sampot a
AGEW NA ÑGILIN. Nengneñgen
met so Mamalsa, Pinalsa; Painawa
Sakey a masanto ya agew a nigena ed
balang sakey a simba a pampainawa
tan pandayew. Kasumpal na Dios a pinalsa
so amin a beñgatla, sikato so
nampainawa ed komapito ya agew tan
ingangan to a sakey ya agew ed balang
sakey a simba so agew na painawa
pian natuloñgan so saray totoo a nunoten
da (Ex. 20:8–11).
Sakbay na inkioli nen Cristo ed
bilay, saray miembro na Simbaan inagamil
da so sampot ya agew na simba
a saya so Agew na Ñgilin, a siñga
ginawa na saray Judio. Kasumpal na
inkioli, saray miembro na Simbaan,
balang la ed Judio odino Gentiles, inagamil
da so unaan ya agew na simba
(say agew na Katawan) a pannunot ed
inkioli na Katawan ed bilay. Say Simbaan
natan mampapatuloy ya aagamilen
da so sakey ya agew ed sakey a
simba a masanto ya agew na ñgilin a
dia ed saya so pandayew ed Dios tan
pampainawa ed saray kimey dia ed
mundo.
Say Agew na Ñgilin so mañgipanunot
ed saray totoo ed pankaukolan da
ed maespiritu a pantagano tan say
susumpalen da a pañgonor ed Dios.
Sano say sakey a bansa ag da asikasoen
so Agew na Ñgilin, amin a pamaakaran
odino kipapasen da ed bilay so
nalanor tan say bilay da nipaakar ed
relihion so naderal (Neh. 13:15–18; Jer.
17:21–27).
Say Dios nampainawa ed komapito ya
agew, Gen. 2:1–3. Saray anak na Israel
ag ira nantipon na mana ed agew na
ñgilin, Ex. 16:22–30. Nunoten so agew
na ñgilin, tan saya so gawaen a masanto,
Ex. 20:8–11 (Mosiah 13:16–19). Say
agew na ñgilin so niiter a pakapatnagan
ed baetan na Dios tan too, Ex.
31:12–17 (Eze. 20:12, 20). Ag tayo mansaliw
odino manlako ed agew na ñgilin,
Neh. 10:31. Tawagen so agew na
ñgilin a makapaliket, a pagalañgan so
Katawan tan ag mananap na dili a liket,
Isa. 58:13–14. Say agew na ñgilin
so ginawa ya onkana ed too tan aliwa
a say too so onkana ed agew na ñgilin,
Mar. 2:23–28. Say Anak na too so Katawan
na agew na ñgilin, Luc. 6:1–10.
Si Jesus so nambañgat ed sinagoga tan
nantambal ed agew na ñgilin, Luc.
13:10–14. Saray Nephite inonor da so
agew na ñgilin a masanto, Jarom 1:5.
Agamilen so agew na ñgilin ya onoren
a masanto, Mosiah 18:23. Isaklang mo
so saray sacramento ed masanto ya
agew ko, D&P 59:9–13. Saray manaayam
ed Sion so managamil na agew na
ñgilin, D&P 68:29. Siak, a Dios, so
nampainawa ed komapito ya agew ed
amin a kimey ko, Moises 3:1–3 (Gen.
2:1–3; Abr. 5:1–3).
AGGEO
Sakey a profeta ed Daan a Sipan a sikato
so namprofesiya nen ñgalñgali 520
s.c. ed Jerusalem, ag abayag sanen
saray totoo a Judio so pinmawil manlapu
ed inkadakep da ed Babilonia
(Esd. 5:1; 6:14). Sikato so añgibalikas
nipaakar ed pañgipaalagey lamet na
templo na Katawan ed Jerusalem tan
nampasnokan to so saray totoo makaseñgeg
ed saya so ag ni asumpal. Sikato
met so nansulat nipaakar ed templo