SAY LIBRO NEN MORMON

Mosiah 23:32–24:3 264
32 Natan say ñgaran na pañgulo
na saray sacerdote so
Amulon.
33 Tan agawa a si Amulon
sikato so akikasi ed saray Lamanite;
tan imbaki to met so
kaasawaan da, a sikara so a bibii
ya anak na saray Lamanite,
pian mikasi ed saray kaagian,
ya ag da ra deralen so saray
kaasawaan da.
34 Tan saray Lamanite so
awalaan na a panañgasi ed si
Amulon tan saray kaagian to,
tan ag da ra dineral, makaseñgeg
ed saray kaasawaan da.
35 Tan si Amulon tan saray
kaagian to sikara so akitipon ed
saray Lamanite, tan sikara so
mambabaroy ed kalawakan a
mananap ed dalin na Nephi
sanen nalmo ra so dalin na
Helam, a saya so kinayarian
nen Alma tan saray kaagian to.
36 Tan agawa a saray Lamanite
insipan da ed si Alma tan
saray kaagian to, no iwanwan
da ra ed dalan ya onarap ed
dalin na Nephi iabuloy da ya
iter ed sikara so bilay da tan ontan
met ed say kawayañgan da.
37 Balet kayari nen Alma ya
añgiwanwan ed dalanen da ya
ompugta ed dalin na Nephi saray
Lamanite ag da labay a sumpalen
so sipan da; no ag añgiter
ira na a bantay ed kaliber-liber
na dalin na Helam, ed kinen
Alma tan saray kaagian to.
38 Tan saray nakdaan ed sikara
so linma ed dalin na Nephi; tan
say arum ed saray kabiañgan da
so amawil ed dalin na Helam,
tan inawit da met ed sikara so
saray kaasawaan da tan saray
anak na saray taga-bantay ya
atilak ed saman a dalin.
39 Tan say ari na saray Lamanite
iniabuloy to ed si Amulon
a sikato so manmaliw ya ari tan
manañgoley ed saray totoo to,
a wala ed dalin na Helam; angaman
ontan angapo so pakayari
to ed antokaman a beñgatla ya
onsumlang ed linawa na ari na
saray Lamanite.
TEKAP 24
Si Amulon pinasegsegang to si
Alma tan saray totoo to—Sikara
so pateyen da no mampikasi ra—
Say Katawan ginawa to so sasakbaten
da a siñga anlemew—Sikara
so inlaban to ed inkaaripen, tan
pinmawil ira ed Zarahemla. Ñgalñgali
145–120 s.c.
Tan agawa a si Amulon agamoran
to so palabo ed mata na
ari na saray Lamanite; dia ed
ontan, say ari na saray Lamanite
initer to ed sikato tan saray
kaagian to a sikara so naturo a
managbañgat ed saray totoo to,
on, angan dia ed saray totoo a
wala ed dalin na Shemlon, tan
dia ed dalin na Shilom, tan dia
ed dalin na Amulon.
2 Lapu ed saray Lamanite kinayarian
da so saraya ya amin
a dalin; dia ed ontan, say ari na
saray Lamanite so anoro na ari
ed amin na saraya a dalin.
3 Tan natan say ñgaran na ari
na saray Lamanite so Laman,
33a Mosiah 20:3–5. 34a pmk Pañgabagey. 37a Mosiah 24:8–15.