SAY LIBRO NEN MORMON

Say Libro nen Omni
Si Omni, Amaron, Chemish, Abinadom,
tan Amaleki, sikara so nansusublayan,
ya añgisinop ed saray
kasulatan. Si Mosiah asukayan to
so saray totoo ed Zarahemla, a nanlapu
ed Jerusalem ed saray agew
nen Sedekias—Si Mosiah so ginawa
ra ya ari a mañgoley ed sikara
—Saray kailalakan nen Mulek ed
Zarahemla asukayan da si Coriantumr,
say sampot ya atilak ed saray
Jaredite—Si Ari Benjamin so sinmublay
ed si Mosiah—Saray totoo
nepeg ya isaklang da so kamarerua
ra a bagat ed si Cristo. Ñgalñgali
323–130 s.c.
NIA, agawa a siak, Omni,
lapu ed ginangan ak nen
amak, a si Jarom, a mansulat ed
saraya a piligo, pian pagnayon
mi so uksoy na kapolian mi—
2 Dia ed ontan, dia ed saray
agew ko, labay ko a nakabatan
yo a dakel so impilaban ko ed
panamegley na espada ed impañgiagel
ko ed saray totook,
saray Nephite, pian ag ira napelag
ed lima na saray kabusol
da, saray Lamanite. Balet nia,
angan say siak a dili so sakey
met a marelmeng a too, tan ag
ko sinumpal so saray tutuntonen
tan saray gangan na Katawan
a nepeg ko a gawaen.
3 Tan agawa a linmabas la so
duara a lasus tan pitumplo tan
anem a taon, tan awalaan kami
dakel a panaon na kareenan;
tan awalaan kami met na dakel
a panaon na makapataktakot a
bakal tan panagpaterter na dala.
On, tan dia ed antikey a salita,
duara a lasus tan walomplo tan
dua a taon la so linmabas, tan
insinop ko so saraya a piligo
unong ed saray a gangan na kaamaan
ko; tan saraya so iniawat
ko ya inmatalek ed say laki
ya anak ko a si Amaron. Tan
sampotan ko la.
4 Tan natan siak, Amaron, isulat
ko so saraya a beñgatla ya
antokaman ya isulat ko, a saraya
so pigara, dia ed libro nen
amak.
5 Nia, agawa a talora a lasus
tan duamplo a taon la so linmabas,
tan say karaklan a kabiañgan
na saray marelmeng a
Nephite so a aderal.
6 Lapu ed say Katawan ag to
nitepel, kayari impañgipaway
to ed sikara ed dalin na Jerusalem
tan sikara so kinomisan tan
iniagel to ed kapelag ed lima na
saray kabusol da, on, ag to nitepel
a saray salita so ag napatuaan,
a saraya so sinalita to ed
kaamaan mi, ya inkuan to: No
ag yo sumpalen so saray gangan
ko, sikayo so ag onaliguas ed
saya a dalin.
7 Dia ed ontan, say Katawan
dinalaw to ra ed baleg a kaokom;
manwari ya ontan, inkera
to so saray matunong pian ag ira
ompatey, balet sikara so iniagel
to ed lima na saray kabusol da.
8 Tan agawa ya iniawat ko so
saray piligo ed si agik a laki a si
Chemish.
9 Natan siak, Chemish, isulat
ko so pigara a beñgatla a nisulat
[omni]
1 3a Jacob 1:1–4;
Jarom 1:15.
5a Jarom 1:9–10.