SAY LIBRO NEN MORMON

Efraim 56
EFRAIM. Nengneñgen met so Jose,
Laki ya Anak nen Jacob; Libro nen
Mormon; Manases; Israel
Dia ed Daan a Sipan, say komadua a
laki ya anak nen Jose tan si Asenat (Gen.
41:50–52; 46:20). Sumpa ed kagagawa
a tawir, si Efraim so akaawat na bendicion
na inkapañguloan nen si Manases,
a sikato so mas pañguloan a laki
ya anak (Gen. 48:17–20). Si Efraim so
nanmaliw ya ama na tribo nen Efraim.
Say tribo nen Efraim: Si Efraim niiter ed
sikato so bendicion na inkapañguloan
ed Israel (1 Awa. 5:1–2; Jer. 31:9). Dia
ed saray sampot ya agew say pankanawnawa
ra tan say eebatan da so say
pañgako na inkasacerdote, say pañgawit
na salita na nipaakar ed nipawil ya
evangelio ed mundo, tan say pañgipaalagey
na tanda pian natipon so ataytayak
ya Israel (Isa. 11:12–13; 2 Ne.
21:12–13). Saray anak nen Efraim koronaan
da so saraman so manlapu ed
baybay a bansa ya ompawil dia ed saray
sampot ya agew (D&P 133:26–34).
Say takuyor nen Efraim odino nen Jose:
Sakey a kasulatan na sakey ya olop a
nanlapu ed tribo na Efraim a sikara so
niarawi ed Jerusalem a paarap ed
America sanen ñgalñgali 600 s.c. Saya
a kasulatan na olop so atawag a takuyor
nen Efraim odino nen Jose, odino
say Libro nen Mormon. Saya tan say
takuyor nen Juda (say Biblia) tibukelen
to so nankasakey a paneknek ed
Katawan Jesu Cristo, say inkioli to ed
bilay, tan say madivino a kimey to ed
limog na saraya a duara ya olop na
abong na Israel.
Sakey a sañga na Efraim so nasipi tan
mañgisulat na arum ni a sipan ed
Cristo, IJS, Gen. 50:24–2, 30–31. Say takuyor
nen Juda tan say takuyor nen
Jose so manmaliw a sakey, Eze. 37:15–
19. Saray sulat nen Juda tan si Jose so
ombaleg a manolop, 2 Ne. 3:12. Say
Katawan mansalita ed dakel a bansa,
2 Ne. 29. Saray tumbok na kasulatan
na takuyor nen Efraim so nipalima ed
si Moroni, D&P 27:5.
EGIPTO
Sakey a bansa ed baybay bokig a sukong
na Africa. Karaklan a pasen na
Egipto so aliwa a mabuna tan angapo
so manaayam. Karaklan na saray manaayam
so wala ed Patar na Nilo, a saya
sasakupen to so anga ed 890 a kilometro.
Say kadaanan ya Egipto so mabuna
tan mayaman. Ankakabaleg a paalagey
so agawa, kaiba so saray agusan
na danum onkana ed pamparanum na
saray tataneman; saray malet a ciudad
onkana ed pañgiagel; tan saray mapagalang
a monumento, lalo la ed saray
piramid a lobuk tan saray templo, a
saraya natan kabiañgan ni na saray
makapakelaw ed mundo. Dia ed sakey
a panaon, say gobierno na Egipto so
inalig da ed uksoy na patriarka na inkasacerdote
(Abr. 1:21–27).
Di Abraham tan si Jose so niwanwan
ed Egipto pian nilaban da so saray boleg
da ed gawat, Gen. 12:10 (Gen. 37:28).
Si Jose inlako ra ed Egipto, Gen. 45:4–5
(1 Ne. 5:14–15). Si Jacob so niwanwan
ed Egipto, Gen. 46:1–7. Si Moises impañgulo
to so saray anak na Israel a
pinmaway ed Egipto, Ex. 3:7–10; 13:14
(Heb. 11:27; 1 Ne. 17:40; Moises 1:25–
26). Say Egipto tanda na demonyo, Eze.
29:14–15 (Os. 9:3–7; Abr. 1:6, 8, 11–12,
23). Sakey ya angel so añgibaga ed si
Jose ya onarawi kaiba to si Maria tan
Jesus paarap ed Egipto, Mat. 2:13
(Os. 11:1).
EGIPTUS
Say ñgaran na mandapag ya asawa tan
bii ya anak nen Cam, say laki ya anak
nen Noe. Dia ed saray Caldeo, saya a
ñgaran say talus to Egipto, odino saman
so isesebel (Abr. 1:23–25).
ELAIAS. Nengneñgen met so Elias
Wala so dakel a kana na ñgaran odino
panagtawag ya Elaias dia ed saray masanto
a kasulatan:
Elias: Say Elaias so inkana ed Balo a
Sipan (Griego) na Elias (Hebreo), a siñga
dia ed Mat. 17:3–4, Luc. 4:25–26,