SAY LIBRO NEN MORMON

165 Moroni,Laki ya Anak nen Mormon
Saray Salita nen Mormon: Sakey a melag
a libro ed Libro nen Mormon. Dia ed baetan
na saray sampot a salita nen Amaleki
ed libro nen Omni tan saray unaan
a salita ed libro nen Mosiah, si Mormon,
say añgiparaan na amin na kasulatan,
nangawa na melag a kasulatan. (Nengneñgen
so “Say Antikey a Paliwawa
Nipaakar ed Libro nen Mormon” dia
ed arap na say Libro nen Mormon.)
Say libro nen Mormon: Sakey a nibiig a
libro ed loob na libro na masanto a kasulatan
ya akabatan a Say Libro nen
Mormon. Saray tekap 1–2 ibabaga to
so nipaakar ed si Ammaron, sakey a
profeta na saray Nephite, a mañgigagangan
ed si Mormon kapigan tan iner
to alaen so saray piligo. Ontan met, saray
ankabaleg a bakal so ginmapo, tan
saray Talora a Nephite so niarawi makaseñgeg
ed inkarelmeng na saray totoo.
Saray tekap 3–4 ibabaga to a si
Mormon inkeliaw to so pambabawi ed
saray totoo: balet angapo la so pakalikna
da, tan baleg a karelmeñgan so
nampatuloy ya alabas nen say wala ed
Israel. Saray tekap 5–6 akasulat so saray
kasampotan a bakal ed baetan na
saray Nephite tan saray Lamanite. Si
Mormon so apatey a kaiba na karaklan
ed bansa na Nephite. Dia ed tekap 7,
sakbay na impatey to, si Mormon tinmawag
ed saray totoo—dia ed saman
tan dia ed arapen—sikara so mambabawi.
Saray tekap 8–9 akasulat a dia
ed kasampotan say laki ya anak nen
Mormon labat, si Moroni, so atilak. Insulat
to so saray kasampotan a nengneng
na patey tan impampapatey, a
kaiba so impansampot na saray totoo
a Nephite, tan insulat to so pakabat ed
saray arapen a kailalakan tan saray
mambasa ed saya a kasulatan.
MORMON, SARAY MORMON.
Nengneñgen met so Simbaan nen
Jesu Cristo; Simbaan nen Jesu
Cristo na saray Sasantos ed
Kaunoran ya Agew, Say
Say pañgaran a Mormon so ginawa na
saray totoo ya aliwa a miembro na
Simbaan ya onkana ed saray miembro
na Say Simbaan nen Jesu Cristo na saray
Sasantos ed Kaunoran ya Agew.
Saya a ñgaran so nanlapu ed sagrado a
libro na masanto a kasulatan a tiniptipon
na kadaanan a profeta a si Mormon
tan apauloan a say Libro nen
Mormon. Say ñgaran ya initer na Katawan
ed saray miembro na simbaan
so akabatan a “Sasantos.” Say duga a
ñgaran na Simbaan so Say Simbaan
nen Jesu Cristo na saray Sasantos ed
Kaunoran ya Agew.
MORONI, KAPITAN. Nengneñgen
met so Laylay na Kawayañgan
Dia ed Libro nen Mormon, sakey a matunong
a manañgipañgulo ed ñgayew
na Nephite a nambilay sanen ñgalñgali
100 s.c.
Si Moroni so aturo a manunaan a kapitan
na amin a ñgayew na Nephite, Alma
43:16–17. Pinabiskeg to so linawa na saray
sondalo a Nephite a milaban ya onkana
ed kawayañgan da, Alma 43:48–
50. Nangawa na laylay na kawayañgan
a nanlapu ed sakey a pidaso na kawes
to, Alma 46:12–13. Sikato so too na Dios,
Alma 48:11–18. Sikato so nampasnok ed
manañgoley lapu ed ag da panasikaso
ed kawayañgan na bansa, Alma 59:13.
MORONI, LAKI YA ANAK NEN
MORMON. Nengneñgen met so
Libro nen Mormon; Mormon,
Profeta a Nephite
Say sampot a profeta a Nephite dia ed
Libro nen Mormon (c. k.c. 421). Sanen
sakbay ya ompatey si Mormon, iniawat
to so kasulatan na awaran a saya
so atawag a saray piligo nen Mormon
ed anak to a laki a si Moroni (S n M
1:1). Sinumpal nen Moroni a tinipon
so saray piligo nen Mormon. Inaruman
to na tekap 8 tan 9 so libro nen
Mormon (Morm. 8:1). Pinatikey to tan
impiolop to so libro nen Ether (1:1–2)
tan inarum to so dili a libro to ya atawag
a say libro nen Moroni (Moro.
1:1–4). Si Moroni kinapotan to so saray
piligo tan iniamot to so saraya ed