SAY LIBRO NEN MORMON

Raquel 224
RAQUEL. Nengneñgan met so Jacob,
Laki ya Anak nen Isaac
Dia ed Daan a Sipan, say asawa nen
Jacob (Gen. 29–31, 35). Sikato met so
ina nen Jose tan si Benjamin.
REBECA. Nengneñgan met so Isaac
Say asawa nen Isaac, sakey a patriarka
ed Daan a Sipan (Gen. 24–27). Si Rebeca
so ina nen Esau tan si Jacob (Gen.
25:23–26).
REUEL. Nengneñgen so Jetro
RIGDON, SIDNEY
Sakey ed saray akaona ya apasimbalo
ed pananisia tan manañgipañgulo ed
nipawil a Simbaan sanen 1830 tan kasakbayan
na 1840. Si Sidney Rigdon so
nanlingkor ya agano ya Unaan a Manañgantabay
ed si Joseph Smith dia ed
Unaan ya Inkapañgulo na Simbaan
(D&P 35; 58:50, 57; 63:55–56; 76:11–12,
19–23; 90:6; 93:44; 100:9–11; 124:126).
Dia ed kaunoran sikato so inmarawi tan
sikato so inekal ed listaan a miembro
ed Simbaan sanen Septembre 1844.
ROBOAM. Nengneñgen met so
Solomon
Dia ed Daan a Sipan, say laki ya anak
nen Solomon. Sikato so sinmublay ed
ama to tan nanoley ed loob na labimpito
a taon ed Jerusalem (1 Ar. 11:43;
14:21, 31). Sanlegan na impanoley nen
Roboam, say panarian so naapag ed
panarian na Israel dia ed baybay tan
say panarian na Juda dia ed abalaten
(1 Ar. 11:31–36; 12:19–20). Nanoley si
Roboam ed panarian na Juda.
ROMA. Nengneñgen met so Nanarian
na Roma
Dia ed Balo a Sipan, say capitulyo a
ciudad na Nanarian na Roma, a saya so
wala ed Ilog na Tiber ed Italia (Gaw.
18:2; 19:21; 23:11). Si Pablo imbañgat
to so evangelio ed Roma sanen sikato
so nipañgaw ed panañgoley na Roma
(Rom. 1:7, 15–16; Gaw. 28:14–31).
RUBEN. Nengneñgen met so Israel;
Jacob, Laki ya Anak nen Isaac
Dia ed Daan a Sipan, say sankapañguloanan
a laki ya anak nen Jacob tan Lea
(Gen. 29:32; 37:21–22, 29; 42:22, 37).
Angaman si Ruben so unaan ya inianak,
abalang to so pankatunoñgan to
ed inkapañguloan lapu ed kasalanan
(Gen. 35:22; 49:3–4).
Say tribo nen Ruben: Say bendicion nen
Jacob ed si Ruben so narumog ed Gen.
49:3 tan Deuteronomio 33:6. Say bilang
na tribo so nankalkalna a dinmaiset, tan
angaman say tribo so nampatuloy ed
inkiwala to, saya so nanmaliw ya aliwa
a tanto a makana ed politika. Say
pankatunoñgan nen Ruben ed inkapañguloan
so linma ed si Jose tan saray
anak to a lalaki lapu ed si Jose so pañguloan
a laki ya anak na komadua ya asawa
nen Jacob, si Raquel (1 Awa. 5:1–2).
RUT. Nengneñgen met so Booz
Dia ed Daan a Sipan, sakey a bii a taga
Moab a manugang nen Naomi tan Elimelec,
a sikara so Israelitas. Kasumpal
na impatey nen asawa to, si Rut so
akiasawa ed sakey ed saray kanayon
nen Naomi a si Booz. Say anak da a
laki a si Obed so kapolian nen David
tan si Cristo. Say tungtong a nipaakar
ed si Rut mañgiter na marakep a pañgaligan
ed impakasimbalo na sakey
ya aliwa ya Israelita ed olop na Israel.
Si Rut impulisay to so dati a dios to tan
dati a bilay to a mitipon ed kabobung
na pananisia dia ed panlingkor to ed
Dios na Israel (Rut 1:26).
Say libro nen Rut: Say tekap 1 ipaliwawa
to so bilay nen Elimelec tan say boleg
to ed Moab. Kasumpal na impatey
na saray kaasawaan da, si Naomi tan
si Rut linma ra ed Betlehem. Say tekap
2 impalawawa to a si Rut so nanturtor
ed kaalogan nen Booz. Say tekap 3 ibaga
to no panon so impambilin nen Naomi
ed si Rut ya onla ed panagilikan
tan ondokol ed saliyan nen Booz. Say
tekap 4 so tungtong na impiasawa nen
Rut ed si Booz. Awalaan ira na sakey