SAY LIBRO NEN MORMON

229 Mosiah 10:21–11:6
nunson mi lamet ya anga ed paway
na dalin mi; tan sikara so
pinapatey mi ed baleg a panagpatey,
angan ontan la a kinarakel
kanian ag mi la binilang.
21 Tan agawa a pinmawil
kami lamet ed dili a dalin mi,
tan saray totook ginapoan da
lamet ya asikasoen so saray
ayayep da, tan ondalos ed saray
dalin da.
22 Tan natan siak, lapu ed
matakken ak la, initer ko so panarian
ed sakey ed saray lalaki
ya anak ko; dia ed ontan, angapo
la so nibagak. Tan komon
say Katawan bendicionan to so
saray totook. Amen.
TEKAP 11
Si Ari Noah so nanoley ed karelmeñgan—
Sikato so nanliket ed
magulo a panagbilay kaiba to so
saray asawa to tan saray kamalala
to—Si Abinadi improfesiya to a
saray totoo so naala ed inkaaripen
—Say bilay to so nampilalekan nen
Ari Noah. Ñgalñgali 160–150 s.c.
Tan natan agawa a si Zeniff
iniawat to so panarian ed kinen
Noah, sakey ed saray lalaki ya
anak to; dia ed ontan si Noah
ginapoan to so manoley ed pasen
to; tan sikato so ag nankurang
ed dalan nen ama to.
2 Tan nia, ag to inonor so
saray gangan na Dios, balet
sikato so nankurang unong ed
saray pilalek na dili a puso to.
Tan sikato so awalaan na dakel
ya asawa tan a kamalala. Tan
b
pinaulianan to so saray totoo
to a mangawa na kasalanan, tan
mangawa na antokaman a marumsis
ed imaton na Katawan.
On, tan sikara so nangawa na
c
inkabalangkantis tan amin a
nengneng na karelmeñgan.
3 Tan sikato so añgipasakbat
na buis a kakalima ed amin a
kayarian da, kakalima ed saray
balitok tan pilak da, tan kakalima
ed saray a ankabli a metal da,
tan tanso ra, tan gansa ra, tan
balatyang da; tan kakalima ed
saray pinataba a kilaw na ayayep
da; tan kakalima met ed
amin a dawa ra.
4 Tan saraya ya amin so inala
to a pambilay to, tan saray asawa
to tan saray kamalala to; tan
ontan met ed saray sacerdote
to, tan saray kaasawaan da tan
kamalala ra; dia ed onia inuman
to so kipapasen na panarian.
5 Lapu ed inekal to so amin a
sacerdote a pinasanto nen ama
to, tan nampasanto na saray
balo ya insublay to ed sikara, a
siñga saraman so nitanduro ed
kinon na saray puso ra.
6 On, tan dia ed onia sikara so
nambilay ed saray ñgiras da,
tan panaglingkor da ed saray
talintao, tan dia ed inkabalangkantis
da, dia ed saray buis a
siniñgil nen ari Noah ed saray
totoo to; dia ed onia saray totoo
so nansagpot a mapalalo pian
natuloñgan da so karelmeñgan.
11 2a Jacob 3:5.
b 1 Ar. 14:15–16;
Mosiah 29:31.
c 2 Ne. 28:15.
3a heb saray
mankaolibay a salita:
mañgibaga na
nengneng,
“mankirlap”;
mañgibaga na galaw,
“apisan odino
balkoten na metal.”