SAY LIBRO NEN MORMON

Alma 2:9–19 290
9 Tan agawa a sikara so nantitipon
ed inkasikara a dili, tan
si Amlici so pinasanto ra ya ari
ed sikara.
10 Natan sanen si Amlici so
agawa ya ari ed sikara ingangan
to a mañgala ira na saray
kagawaan ed bakal sumpa ed
saray kaagian da; tan saya so
ginawa to pian naoleyan to ira.
11 Natan saray totoo nen
Amlici so nibiig ed ñgaran nen
Amlici, a sikara so atawag ya
a
Amlicite; tan saray nakdaan so
atawag a b Nephite, odino saray
totoo na Dios.
12 Dia ed onia saray totoo na
Nephite kabkabat da so getma
na saray Amlicite, tan dia ed
ontan sikara so namparaan ya
onabet ed sikara; on, inayuraan
da so inkasikara a kaiba so saray
espada, tan panagtastas, tan pabekang,
tan pana, tan bato, tan
palsot, tan amin a nengneng ya
a
ikakana ed bakal, ed balang
sakey a kanengneñgan.
13 Tan dia ed onia sikara so
akaparaan ya onabet ed saray
Amlicite ed antokaman a panaon
ya isabi ra. Tan wala so saray
aturo a kapitan, tan saray atagey
a kapitan, tan saray pañgulo a
kapitan, unong ed bilang da.
14 Tan agawa a si Amlici imparaan
to so saray totoo to ed
nambabañgil ya agamil ed bakal
ed balang sakey a kanengneñgan;
tan sikato met so nanturo
na saray manoley tan pañgulo
ed saray totoo to, a mañgipañgulo
ed sikara ed bakal sumpa
ed saray kaagian da.
15 Tan agawa a saray Amlicite
linma ra ed pukdol na Amnihu,
a wala ed bokig na a ilog na
Sidon, a saya so ondadalan ed
b
dalin na Zarahemla, tan diman
ingapo ra so mibakal ed saray
Nephite.
16 Natan si Alma, lapu ed
sikato so a pañgulo ya okom tan
manañgoley ed saray totoo nen
Nephi, dia ed ontan sikato so
linma a kaiba to so saray totoo
to, on, kaiba to so saray kapitan,
tan saray pañgulo a kapitan, on,
dia ed unaan na saray ñgayew
to, sumpa ed saray Amlicite ed
bakal.
17 Tan ginapoan da a pateyen
so saray Amlicite ed pukdol a
wala ed bokig na Sidon. Tan saray
Amlicite sinmumpa ra ed
saray Nephite ed baleg a biskeg,
kanian dakel ed saray Nephite
so niparukol ed arap na saray
Amlicite.
18 Angaman ontan say Katawan
pinabiskeg to so lima na
saray Nephite, kanian apatey
da so saray Amlicite ed baleg a
panagpatey, kanian ginapoan da
so ombatik ed arap da.
19 Tan agawa a saray Nephite
inosilan da so saray Amlicite a
sanagew, tan pinapatey da ra
ed dakel a panagpatey, a wala
so saray a apatey da ya Amlicite
a labindua a libo lima a lasus
talomplo tan dua a kamarerua;
tan saray apatey da ed saray
Nephite wala so anem a libo
lima a lasus anemaplo tan dua
a kamarerua.
11a Alma 3:4.
b Jacob 1:13–14;
Mosiah 25:12;
Alma 3:11.
12a Mosiah 10:8; Hel. 1:14.
15a Alma 3:3.
b Omni 1:13–15.
16a Mosiah 29:42.
19a Alma 3:1–2, 26; 4:2.