SAY LIBRO NEN MORMON

Moroni 9:1–9 734
TEKAP 9
Mandapag a saray Nephite tan
saray Lamanite so marelmeng tan
maliket ed minomundo—Nampapairap
tan nampapateyan ira ed
sakey tan sakey—Si Mormon so
nampikasi pian say gracia tan kaabigan
komon so onteen ed si Moroni
ed ando la ya ando. Ñgalñgali k.c.
401–421.
Inararok ya anak ko, nansulat
ak ed sika lamet pian komon
nakabatan mo a mabilay ak ni;
balet nansulat ak ed sika nipaakar
ed sakey a makapaermen.
2 Tan nia, makapaermen so impibakal
ko ed saray Lamanite, a
dia ed saya ag kami tinmaluna;
tan si Archeantus so inatey ed
panamegley na espada, tan ontan
met nen Luram tan Emron;
on, tan dakel so atigway ed
bilang na saray apili-pili a
totoo mi.
3 Tan natan nia, anak ko,
mapaga ak ag la piga saray
Lamanite deralen da so saya a
totoo; lapu ed sikara so ag
mambabawi, tan si Satanas pagagalawen
to ra ya andi-tonda
ya onsanok so sakey tan sakey.
4 Nia, siak so mansasagpot ed
sikara ya andi-tonda; tan sano
salitaen ko so salita na Dios ed
a
makdem a pananalita sikara so
ongiwgiw tan onsanok sumpa
ed siak; tan no anlemek so pañgibagak
paaweten da so saray
puso ra sumpa ed saya; lapu ed
onia, mapaga ak ag la piga say
Espiritu na Katawan so tinmonda
la a b mimiayam ed sikara.
5 Tan mapalalo so sanok da a
dia ed pakanengneng ko angapo
so takot da ed patey; tan abalang
da la so panañgaro ra, ed balang
sakey tan sakey; tan a napgaan
ira ed dala tan andi-tonda a
kibabales.
6 Tan natan, inararok ya anak
ko, manwari ya ontan la so
inkaawet da, mankimey ta a
a
siseseet; tan no ontonda ta a
b
mankimey, naawit ta ed silong
na katutolan; lapu ed wala so
kimey a nepeg ta a sumpalen
legan a wala ta ni ed saya a tabernaculo
a dalin, pian natalo ta
so kabusol na amin a matunong,
tan mampainawa so kamarerua
ta ed panarian na Dios.
7 Tan natan nansulat ak nipaakar
ed paniirap na saraya a
totoo. Tan unong ed pikakabat
a naawat ko a nanlapu ed si
Amoron, nia, saray Lamanite
dakel so saray adakep da, ya
inala ra nanlapu ed tori na
Sherrizah; tan wala so saray
lalaki, bibii, tan ugogaw.
8 Tan saray asawa a lalaki tan
kaamaan na saraman so bibii
tan ugogaw so pinapatey da; tan
ipapakan da ed saraya a bibii
so laman na saray asawa ra a
lalaki, tan saray ugogaw ed
saray laman na kaamaan da; tan
angapo so danum, likud ed
daiset labat, so iiter da ed sikara.
9 Tan manwari ya onia a baleg
9 4a 2 Ne. 1:26–27;
D&P 121:41–43.
b D&P 1:33.
5a Morm. 4:11–12.
6a pmk Seet.
b Jacob 1:19;
Enos 1:20.
pmk Susumpalen.