SAY LIBRO NEN MORMON

Hagoth 80
marelmeng so siñga sikara so onaaliguas.
Dia ed tekap 2 say Katawan sinimbawa
to si Habacuc a mananos—
saray maptek so kaukolan a manaral a
mambilay ed pananisia. Say tekap 3 so
añgisulatan na pikakasi nen Habacuc
no iner binirbir to so kaptekan na
Dios.
HAGOTH
Sakey a Nephite a managgawa na bapor
dia ed Libro nen Mormon (Alma
63:5–7).
HARRIS, MARTIN. Nengneñgen met
so Tasi na Say Libro nen Mormon,
Saray
Sakey ed saray Talora a Tasi ed madivino
a nanlapuan tan katuaan na Libro
nen Mormon. Sikato so tinmulong nipaakar
ed kuarta ed si Joseph Smith tan
say Simbaan. Say Katawan kinerew to
ed si Martin Harris ya ilako to so saray
kayarian to tan iter to so saray nanlakoan
to a pambayar ed panimprinta
na Libro nen Mormon (D&P 19:26–27,
34–35); pian manmaliw a pañgaligan
na saray miembro na Simbaan (D&P
58:35); tan ontulong ed gastos na panagpulong
(D&P 104:26).
Si Martin Harris so naekal ed listaan
na saray miembro ed Simbaan balet
sikato so pinmawil. Dia ed asinger na
sampot na bilay to sikato so nantasi ya
anengneng to si angel Moroni tan saray
balitok a piligo a saya so nanlapuan na
impatalus nen Joseph Smith a Libro
nen Mormon.
HEBREO. Nengneñgen met so Israel
Sakey a salita a Semitic a sasalitaen na
saray anak na Israel.
Say Hebreo so sasalitaen na saray Israelita
anga ed impawil da manlapu
ed inkadakep da ed Babilonia, a dia ed
saman a panaon Aramaic so nanmaliw
a salita ed inagew-agew a pitutungtong.
Legan na panaon nen Jesus, say Hebreo
so salita na saray akapanaral, na gangan,
tan saray babasaen ed relihion.
HEBREOS, SULAT ED SARAY.
Nengneñgen met so Pablo; Sulat nen
Pablo, Saray
Sakey a libro ed Balo a Sipan. Si Pablo
insulat to so saya a sulat ed saray
Judio a miembro na Simbaan pian ipaliwawa
to ed sikara a saray makana a
kabiañgan na gangan nen Moises so
asumpal la ed si Cristo tan say atagtagey
a gangan ed evangelio nen Cristo
so añgala ed pasen to na saraya. Sanen
si Pablo so pinmawil ed Jerusalem ed
sampot na komatlo ya impampulong
to (ñgalñgli k.c. 60), asukayan to a
dakel ed saray Judio a miembro na
Simbaan so siansia ni ya ontutumbok
ed gangan nen Moises (Gaw. 21:20).
Saya so ñgalñgali samplora a taon kasumpal
na dagop na Simbaan ed Jerusalem
a saya so añgibaga a say pigara
a tutuntonen ed gangan nen Moises so
ag la nakaukolan ed kilalaban na saray
Cristiano a gentiles. Apatnagan, ag
abayag ed saman si Pablo so nansulat
ed saray Taga-Hebreo pian ipanengneng
to ed sikara ed panamegley na
dili a masanto a kasulatan da tan dia
ed malinew a panagrason no akin ag
da la nepeg ya ikana so gangan nen
Moises.
Saray tekap 1 tan 2 ipaliwawa to a si
Jesus so atagtagey nen saray angeles.
Saray tekap 3–7 ipampareng to si Jesus
ed si Moises tan say gangan nen Moises
tan paneknekan to a sikato so atagtagey
nen saraya a dua. Saya met so
mañgibañgat a say Inkasacerdote nen
Melquisedec so atagtagey nen say Aaronic.
Saray tekap 8–9 somañgipaliwawa
no panon a saray tutuntonen na
Moises so añgiparaan ed saray totoo
ya onkana ed pampulong nen Cristo
tan no panon a si Cristo so manamegley
na balo a paknaan (Alma 37:38–45;
D&P 84:21–24). Say tekap 10 so bilin a
manseet tan manmaliw a matuor. Say
tekap 11 so sermon nipaakar ed pananisia.
Say tekap 12 so mañgiiter na saray
bilin tan lugay. Say tekap 13 isalaysay
to so mapagalang a pipiasawa tan say
kakanaan na panañgonor.