SAY LIBRO NEN MORMON

89 Inkasacerdote nen Melquisedec
Levi so mañgiter na bagat, D&P 13:1.
Si Joseph Smith tan si Oliver Cowdery
so naordinan ed Inkasacerdote nen
Aaron, D&P 27:8. Say abebbeba ya inkasacerdote
so mambebemben na tumbok
ed panagtalima na saray angeles,
D&P 84:26 (D&P 13:1). Wala so duara
ya inkasacerdote, say Melquisedec tan
Aaron, D&P 107:1. Say komadua ya
inkasacerdote so tatawagen ya Inkasacerdote
nen Aaron, D&P 107:13.
INKASACERDOTE NEN
MELQUISEDEC. Nengneñgen met
so Elder; Melquisedec;
Inkasacerdote
Say Inkasacerdote nen Melquisedec so
atagtagey odino mas babaleg ya inkasacerdote;
say Inkasacerdote nen Aaron
so mas abebbeba ya inkasacerdote. Say
Inkasacerdote nen Melquisedec kaiba to
so saray tumbok na saray maespiritu a
bendicion na Simbaan. Dia ed panamegley
na saray tutuntonen na atagtagey
ya inkasacerdote, say pakapanyari
na inkadios so nagawa a naipatnag ed
saray totoo (D&P 84:18–25; 107:18–21).
Saya so atagtagey ya inkasacerdote so
unaan ya impuyan na Dios ed si Adan.
Saray patriarka tan saray profeta ed
balang sakey a dispensasyon so awalaan
na saya a pakaoley (D&P 84:6–
17). Saya nen unaan so tatawagen na
Masanto ya Inkasacerdote, ya intumbok
ed Uksoy na Anak na Dios. Dia ed
kaunoran nanmaliw ya akabatan a say
Inkasacerdote nen Melquisedec (D&P
107:2–4).
Sanen saray anak na Isarel ag da naonor
so saray pankanawnawa tan saray
paknaan na Inkasacerdote nen
Melquisedec, say Katawan inekal to so
atagtagey a gangan tan initer to so
abebbeba ya inkasacerdote tan abebbeba
a gangan (D&P 84:23–26). Saraya
so Inkasacerdote nen Aaron tan say
gangan nen Moises. Sanen sinmabi si
Jesus ed dalin, impawil to so Inkasacerdote
nen Melquisedec ed saray Judio
tan ingapo to so añgipaalagey na
Simbaan ed limog da. Bangbalet, say
inkasacerdote tan say Simbaan so abalang
lamet ed panamegley na impanaynan
tan impamaolyan da ed pananisia.
Saraya so nipawil ed kaunoran ed panamegley
nen Joseph Smith, Jr. (D&P
27:12–13; 128:20; JS—A 1:73).
Dia ed silong na Inkasacerdote nen
Melquisedec wala ra so pakaoley na
elder, atagey a sacerdote, patriarka,
pitomplo, tan Apostol (D&P 107). Say
Inkasacerdote nen Melquisedec so lawas
la a kabiañgan na panarian na
Dios ed tapew na dalin.
Say Pañgulo na Say Simbaan nen Jesu
Cristo na saray Sasantos ed Kaunoran
ya Agew sikato so pañgulo na atagey
odino Inkasacerdote nen Melquisedec,
tan sikato so mambebemben na saray
tumbok nipaakar ed panarian na Dios
dia ed dalin. Say kimey a Pañgulo so
bembenan na sakey labat a too ed sakey
a panaon, tan sikato labat so too ed dalin
a walaan na pakaoley a mañgikana
na amin a tumbok na inkasacerdote
(D&P 107:64–67; D&P 132:7).
Si Cristo so sacerdote ed ando la ya ando
unong ed uksoy nen Melquisedec,
Sal. 110:4 (Heb. 5:6, 10; 7:11). Say Inkasacerdote
nen Melquisedec so mantalima
na evangelio, Heb. 7 (D&P 84:18–
25). Si Melquisedec inkana to so pakayari
na pananisia tan akaawat na pakaoley
na atagey ya inkasacerdote, Alma
13:18. Say Inkasacerdote nen Melquisedec
so niiter ed si Joseph Smith tan
Oliver Cowdery, D&P 27:12–13 (JS—A
1:72). Saya ya so inkasacerdote so naawat
ed panamegley na samba tan paknaan,
D&P 84:33–42. Wala so duara ya
apag odino baleg ya olop, say inkasacerdote
nen Melquisedec tan say inkasacerdote
nen Aaron, D&P 107:6. Say
Inkasacerdote nen Melquisedec bembenan
to so saray kanepegan a mantalima
na amin a maespiritu a bendicion,
D&P 107:8–18. Si Moises, Elaias, tan
Elias initer da ed si Joseph Smith tan
Oliver Cowdery so saray tumbok na
inkasacerdote, D&P 110:11–16. Iter ko
ed sikayo natan so saray makaoley a
mibibiang ed Inkasacerdote, pian sikayo
so mambemben na saraya a tumbok
a wala ed saya, D&P 124:123.