SAY LIBRO NEN MORMON

Juan Bautista 108
ed inkamatuor to tan say tulong to ed
saraman so maaro ed katuaan.
Say Evangelio nen Juan: Dia ed saya a
libro na Balo a Sipan, si Juan ya Apostol
so nampaneknek (1) a si Jesus so Cristo
odino Mesias, tan (2) a si Jesus so Anak
na Dios (Juan 20:31). Saray inkaapag ed
bilay nen Jesus ya impaliwawa to so
naapiger a maong tan nauksoy ed saya
a getma. Say libro so nigapo ed sakey a
balikas nipaakar ed kipapasen nen
Cristo ed bilay sakbay ed dalin: a kaiba
to so Dios, sikato so Dios, tan sikato
so manamalsa na amin a beñgatla. Sikato
so nianak ed laman a Bugbugtong
ya Anak na Ama. Si Juan tinunton to so
dinalan nen Jesus ed impampulong, ya
impurek to so inkadivino to tan say inkioli
to nanlapu ed patey. Malinlinew
a pinaneknekan to a si Jesus so Anak
na Dios, a sinekderan na saray milagro,
na saray tasi, na saray profeta, tan
dia ed panamegley na dili a voces nen
Cristo. Si Juan nambañgat ed panamegley
na pinampareng a liwawa tan
biloñget, katuaan tan liñgo, maong tan
mauges, Dios tan say demonyo. Añganko
angapo ni ed arum a kasulatan no
iner say inkasanto nen Jesus tan say
inkamatuor na saray manañgoley a
Judio so malinlinew a nibawag.
Si Juan malaglaem so insulat to nipaakar
ed impampulong nen Cristo ed
Judea, lalo ed say sampot a simba na
impampulong to ed dalin, bangbalet
si Mateo, Marcos, tan si Lucas malaglaem
so insulat da nipaakar ed impampulong
to ed Galilea. Pigara ed
saraya a beñgatla a nanlapu ed saya ya
Evangelio so pinalinew na saray puyan
ed kaunoran ya agew (D&P 7 tan
D&P 88:138–141).
Onkana ed say pinatikey a tekap,
nengneñgen so Evangelio, Saray.
Say libro na Apocalipsis: Nengneñgen so
Puyan nen Juan
JUAN BAUTISTA. Nengneñgen met
so Elaias; Inkasacerdote nen Aaron
Say laki ya anak nen Zacarias tan Elisabet
dia ed Balo a Sipan. Si Juan so
nibaki a mañgiparaan ed saray totoo a
mañgawat ed say Mesias (Juan 1:19–27).
Sikato so nambemben ed saray tumbok
na Inkasacerdote nen Aaron tan
bininniagan to si Jesu Cristo.
Si Isaias tan saray arum so namprofesiya
ed say gagala nen Juan, Isa. 40:3
(Mal. 3:1; 1 Ne. 10:7–10; 2 Ne. 31:4). Sikato
so nipañgaw tan aputotan na ulo,
Mat. 14:3–12 (Mar. 6:17–29). Si Gabriel
imbawag to ed si Zacarias so kianak nen
Juan tan say gagala to, Luc. 1:5–25. Si
Jesus imbañgat to a si Juan Bautista so
bantog a profeta, Luc. 7:24–28. Binirbir
to a si Jesus so Anak na Dios, Juan
1:29–34. Saray disipulos nen Juan so
nanmaliw a disipulos nen Jesus, Juan
1:25–29, 35–42 (Gaw. 1:21–22). Angapo
so ginawa to a milagro, Juan 10:41. Lapu
ed sikato so inmoli ed bilay a too,
nibaki a mañgordin ed si Joseph Smith
tan si Oliver Cowdery ed Inkasacerdote
nen Aaron, D&P 13 (D&P 27:7–8;
JS—A 1:68–72). Sikato so inordinan na
angel sanen sikato so mantaon a walora
ya agew, D&P 84:28.
JUDA. Nengneñgen met Biblia; Israel;
Judio, Saray
Dia ed Daan a Sipan, say komapat ya
anak nen Jacob tan Lea (Gen. 29:35;
37:26–27; 43:3, 8; 44:16; 49:8). Si Jacob
binendicionan to si Juda a sikato so
manmaliw a sakey ya inkaugali a manañgipañgulo
ed limog na saray lalaki
ya anak nen Jacob tan say Siloh (Jesu
Cristo) so manmaliw a kapolian to
(Gen. 49:10).
Say tribo nen Juda: Say tribo nen Juda
so añgipañgulo kasumpal a manayam
ira ed Canaan. Say manunaan a kalaban
da say tribo nen Efraim. Si Moises
binendicionan to so tribo nen Juda
(Deut. 33:7). Kasumpal na impanoley
nen Solomon, say tribo nen Juda so
nanmaliw a panarian na Juda.
Say panarian na Juda: Dia ed impanoley
nen Roboam saray panarian nen Solomon
so aderal tan nansian a duara a
panarian, a say manunaan a señgegan
so imonan ed baetan na duara a tribo