SAY LIBRO NEN MORMON

139 Lucas
Cristo so niiter ed balang sakey a too
pian nakabatan to so maong tan mauges,
Moro. 7:15–19. Antokaman a wala
ed Dios so liwawa, tan manmaliw a
masnag tan mas masnag anga ed nagnap
ya agew, D&P 50:24. Say Espiritu
mañgiter na liwawa ed balang sakey a
too, D&P 84:45–48 (D&P 93:1–2). Siopaman
a mañgonor ed saray gangan
to so makaawat na liwawa tan katuaan,
D&P 93:27–28. Say liwawa tan katuaan
ipolisay to so sakey a mauges,
D&P 93:37.
LOT. Nengneñgen met so Abraham
Dia ed Daan a Sipan, say laki ya anak
nen Haran tan laki a kaanakan nen
Abraham (Gen. 11:27, 31; Abr. 2:4). Si
Haran inatey makaseñgeg ed eras ed
Ur (Abr. 2:1). Si Lot tinmayman ed Ur
kaiba to si Abraham tan Sara tan nambaroy
ira paarap ed Canaan (Gen.
12:4–5). Si Lot pinili to so manayam ed
Sodoma. Say Katawan añgibaki na saray
ibabaki a pasakbayan da si Lot ya
ontaynan ed Sodoma sakbay a say Katawan
dineral to makaseñgeg ed inakarelmeng
na saray totoo (Gen. 13:8–13;
19:1, 13, 15); bangbalet, say asawa nen
Lot linmeñgaw ed nanlapuan to ed
say nadederal tan nanmaliw a poñgol
ya asin (Gen. 19:26). Say Balo a Sipan
lugan to so saray pañgikunoan nipaakar
ed si Lot (Luc. 17:29; 2 Ped. 2:6–7).
Say bilay to kasumpal ya impisian to
ed si Abraham so nipaliwawa ed Genesis
13, 14, tan 19.
LOBUK. Nengneñgen met so Kioli ed
Bilay
Say pasen a pañgipumponan ed say
laman ya ompatey. Makaseñgeg ed
Bagat a Pamaandi na Kasalanan, balang
sakey so onoli ed bilay manlapu
ed lobuk.
Kasumpal na inkioli nen Cristo ed bilay,
saray lobuk so alukasan tan dakel
a laman so binmañgon, Mat. 27:52–53
(3 Ne. 23:9–13). O lobuk, iner so kawalaan
na impantalunam? 1 Cor. 15:55.
Say lobuk kaukolan iter to so inatey to,
2 Ne. 9:11–13. Saraman so inmogip ed
lobuk so kaukolan ya ombañgon, D&P
88:97–98. Say pasen a panagbiniagan
so tanda na lobuk, D&P 128: 12–13.
LUCAS. Nengneñgen met so Evangelio,
Saray; Gawa na saray Apostoles
Say nansulat na say Evangelio nen Lucas
tan say libro na Gawa dia ed Balo a
Sipan tan sakey a managpulong a kaiba
nen Pablo. Sikato so nianak ed ateng a
Griego tan sakey a managtambal (doktor)
(Col. 4:14). Si Lucas atagey so aral
to. Binirbir to a sikato a dili so kaiba
nen Apostol Pablo sanen inolop to si
Pablo ed Troas (Gaw. 16:10–11). Si Lucas
kaiba to met si Pablo ed Philippi nen
sampot ya impambaroy to ed Jerusalem
(Gaw. 20:6), tan sikara a dua so nanolop
anga ed insabi da ed Roma. Si Lucas
kaiba to met si Pablo legan na komadua
ya inkipañgaw to ed Roma (2 Tim.
4:11). Say inkaugali inkuan to a sikato
so inatey a martir.
Say Evangelio nen Lucas: Sakey a kasulatan
ya insulat nen Lucas nipaakar ed
Jesu Cristo tan say impampulong to ed
saya a bilay. Say libro a Gawa na Saray
Apostoles so kasolduñgan na Evangelio
nen Lucas. Si Lucas añgitilak na marakep
ya inkasulat a kasulatan nipaakar
ed impampulong nen Jesus, ipaparungtal
to a si Jesus so Manañgilaban na
mandapag a saray Judio tan Gentiles.
Sikato so añgisulat na dakel nipaakar
ed saray bañgat tan saray ginawa nen
Jesus. Dia ed Lucas labat so pakaalmoan
tayo na kasulatan na saray indalaw
nen Gabriel ed si Zacarias tan Maria
(Luc. 1); say indalaw na saray pumapastol
ed ugaw a Jesus (Luc. 2:8–18); si
Jesus a wala ed templo nen mantaon
na labindua (Luc. 2:41–52); saray pitomplo
a niiter ed sikara so kimey tan imbaki
(Luc. 10:1–24); si Jesus so nanliñget
na dala (Luc. 22:44); say impitungtong
nen Jesus ed matakew diman ed krus
(Luc. 23:39–43); tan si Jesus a mamañgan
na sira tan dilo kasumpal na inkioli
to ed bilay (Luc. 24:42–43). Onkana
ed pinatikey a paulo na saray tekap,
nengneñgen so “saray Evangelio.”