SAY LIBRO NEN MORMON

Mosiah 8:18–9:2 224
maamot a beñgatla so niparungtal,
tan saray akaamot a
beñgatla so niakar ed liwawa,
tan saray beñgatla ya ag kabat
so nakabatan da, tan ontan met
saray beñgatla so nakabatan ed
panamegley da odino andi
saraya so ag la nakabatan.
18 Dia ed onia say Dios initer
to so pamaakaran pian say too,
dia ed panamegley na pananisia,
makapangawa na saray
makapakelaw a milagro; dia ed
ontan sikato so manmaliw a
baleg a pinabañgan na saray
kapara to a pinalsa.
19 Tan natan, sanen sinampotan
la nen Ammon so impañgibaga
to ed saraya a salita say ari
so nangayaga a mapalalo, tan
initer to so pisasalamat ed Dios,
a nankuan: Ag panduaruaan a
a
baleg a misterio so wala ya
akasulat ed saraya a piligo, tan
saraya a panañgipatalus ag la
panduaruaan a saraya so niparaan
onkana ed saya a gagala
ed pañgilukas na amin a misterio
ed saray anak na totoo.
20 O agay la a makapakelaw
so saray kimey na Katawan, tan
agay la so bayag na impañgitepel
to ed saray totoo to; on, tan
agay la ya inkabulag tan ag
natanek so saray pakatalus na
saray anak na totoo; lapu ed ag
da anapen so kakabatan, ni say
pilalek da a sikato so mañgoley
ed sikara!
21 On, sikara so siñga atap ya
ayayep ya ibabatikan da so managpastol,
tan sikara so nataytayak,
tan sikara so nasunson,
tan sikara so kanen na saray
monanakap na katakelan.
Saray Kasulatan nen Zeniff—
Say kasulatan na saray totoo to,
nanlapu ed panaon ya intaynan
da ed dalin na Zarahemla anga
ed panaon a sikara so nilaban
ed lima na saray Lamanite.
Sakopen to so tekap 9 anga ed 22.
TEKAP 9
Si Zeniff impañgulo to so sakey ya
olop manlapu ed Zarahemla pian
kayarianen da so dalin na Lehi-
Nephi—Say ari a Lamanite inabuloyan
to ra a manawir ed saman
a dalin—Wala so bakal ed baetan
na saray Lamanite tan saray totoo
nen Zeniff. Ñgalñgali 200–187 s.c.
Siak, Zeniff, lapu ed siak so
nibañgat ed salita na saray
Nephite, tan lapu ed awalaan na
pikakabat nipaakar ed a dalin na
Nephi, odino say dalin ya unaan
a tawir na kaamaan mi, tan lapu
ed siak so nibaki a mansiim ed
limog na saray Lamanite pian
nasiim ko so saray ñgayew da,
pian saray ñgayew mi so onla
a manderal ed sikara— balet
sanen naimatonan ko so kaabigan
a wala ed limog da nampilalek
ak a sikara so ag la deralen.
2 Dia ed ontan, akibaliñgaan
ak ed saray kaagian ko ed loob
na kalawakan, tan say labay ko
say manañgoley mi so migawaan
na paknaan ed sikara; balet
lapu ed sikato so sakey a too a
19a Ether 3:21–28; 4:4–5. 9 1a 2 Ne. 5:5–8; Omni 1:12.