SAY LIBRO NEN MORMON

Helaman 2:5–12 516
mapalalo a marunong ed dakel
a salita, tan ontan met ed say
kasiliban to, a mañgituloy ed
maamot a kimey na panagpatey
tan panagtulisan; dia ed ontan
sikato so nanmaliw a pañgulo
na olop nen Kishkumen.
5 Dia ed ontan tinanguyor to
ra, tan ontan met nen Kishkumen,
a no sikato so ipasen da
ed yuroñgan na panañgokoman
iter to ed saraman so kabiañgan
na olop to pian sikara so nipasen
ed pakapanyari tan pakaoley
ed limog na saray totoo; dia ed
ontan nampilalekan nen Kishkumen
a deralen si Helaman.
6 Tan agawa legan a sikato so
linma a paarap ed yuroñgan na
panañgokoman pian deralen to
si Helaman, nia sakey ed saray
igagangan nen Helaman, lapu
ed sikato so pinmaway ed labi,
tan agamoran to, ed panamegley
na impankonwari to, so kakabatan
ed saraman a plano ya
imparaan na saya ya olop a
panderal ed si Helaman—
7 Tan agawa a naabet to si
Kishkumen, tan añgiter na tanda
a pakabirbiran ed sikato; dia
ed ontan impakabat nen Kishkumen
ed sikato so pilalek to, a
labay to a sikato so olopen to ed
yuroñgan na panañgokoman
pian pateyen to si Helaman.
8 Tan sanen say igagangan
nen Helaman akabatan to la ya
amin so wala ed puso nen Kishkumen,
tan no panon a say getma
to so mamatey, tan ontan
met so getma na saraman ya
amin a kabiañgan na olop to so
say mampatey, tan mantulisan,
tan say pakaala na pakapanyari,
(tan saya so a maamot a plano ra,
tan nannunoñgan da) say igagangan
nen Helaman inkuan to
ed si Kishkumen: Onla ta ed
yuroñgan na panañgokoman.
9 Natan saya so akapaliket ed
si Kishkumen a mapalalo, lapu
ed impasen to a nasumpal to so
pilalek to; balet nia, say igagangan
nen Helaman, sanen sikara
so mamapaarap ed yuroñgan na
panañgokoman, sinaksak to si
Kishkumen anga ed puso, kanian
sikato so inatey ya angapo
so uñgol. Tan sikato so binmatik
tan imbaga to ed si Helaman so
amin a beñgatla ya anengneng
to, tan nadñgel to, tan ginawa to.
10 Tan agawa a si Helaman so
añgigangan ya erelen da so saya
ya olop na tulisan tan maamot
a managpatey, pian sikara so
pateyen unong ed gangan.
11 Balet nia, sanen nalmoan
nen Gadianton a si Kishkumen
so ag akapawil sikato so tinmakot
ag la piga sikato so naderal;
dia ed ontan ingangan to ed
olop to a sikato so tumboken da.
Tan sikara so binmatik ed paway
na dalin, ed maamot a dalan,
a mamaarap ed kalawakan;
tan dia ed onia sanen añgibaki
si Helaman na mañgerel ed sikara
angapo so pakaalmoan da
ed sikara.
12 Tan dakel ni so pakasalitaan
nipaakar ed saya si Gadianton
dia ed mantumbok. Tan dia ed
onia so impansampot na komaapataplo
tan dua a taon ya oley
8a 2 Ne. 10:15. pmk Maamot a Pannununoñgan.