SAY LIBRO NEN MORMON

97 Jeremias
JAREDITE, SARAY. Nengneñgen met
so Jared; Jared, Laki ya Agi nen;
Libro nen Mormon
Saray totoo ed Libro nen Mormon a
kapolian nen Jared, say agi to a laki,
tan saray kakaaro ra (Ether 1:33–41).
Sikara so intunton na Dios manlapu
ed Tori na Babel a paarap ed America,
sakey a dalin a sipan (Ether 1:42–43;
2–3; 6:1–18). Angaman say bansa ra
dia ed sakey a panaon awalaan na laksa
a totoo, sikara ya amin so aderal ed
bakal a sibil a saya so inawit na karelmeñgan
(Ether 14–15).
JAROM
Dia ed Libro nen Mormon, laki ya anak
nen Enos tan apo na apo nen Lehi. Sikato
so añgisinop na saray kasulatan na
saray Nephite ed loob na anemaplo a
taon, 420–361 s.c. (Enos 1:25; Jarom
1:13). Sikato so sakey a matuor a too a
pinili to so ag mansulat na dakel dia
ed kasulatan na awaran (Jarom 1:2).
Say libro nen Jarom: Wala so labinlima
labat a versiculo ed saya a libro ed Libro
nen Mormon. Si Jarom insulat to a
saray Nephite intuloy da ya onoren so
gangan nen Moises tan aalagaren da
so isabi nen Cristo. Sikara so impañgulo
na saray arari a sikara so makapanyari
a totoo ed pananisia. Sikara so
inmaliguas unong ed impañgonor da
ed saray profeta, sacerdote, tan saray
managbañgat da.
JEHOVA. Nengneñgen met so Jesu
Cristo; SIAK
Say paknaan odino peteg a ñgaran na
Dios na Israel. Say talus to “say andiangaan
a SIAK” (Ex. 3:14; Juan 8:58).
Si Jehova so si Jesu Cristo ed bilay
sakbay ed dalin tan sikato so sinmabi
ed dalin a sakey ya anak nen Maria
(Mosiah 3:8; 15:1; 3 Ne. 15:1–5). Naynay,
sano say salita a Katawan so nanengneng
ed Daan a Sipan, say talus
to Jehova.
Si Jehova so Cristo: Si Jehova so kabat la
na saray kadaanan a profeta (Ex. 6:3;
Abr. 1:16). Si Apostol Pablo imbañgat
to a si Cristo so Jehova dia ed Daan a
Sipan (Ex. 17:6; 1 Cor. 10:1–4). Say laki
ya agi nen Jared dia ed Libro nen Mormon
anengneng to si Cristo sakbay
ya inianak tan sikato so ingalang to
(Ether 3:13–15). Si Moroni tinawag to
met si Cristo a Jehova (Moro. 10:34).
Dia ed Templo na Kirtland, si Joseph
Smith tan si Oliver Cowdery anengneng
da so inmoli ed bilay a Jehova
(D&P 110:3–4).
JEREMIAS. Nengneñgan met so
Tagleey, Libro na saray
Sakey a profeta ed Daan a Sipan a nianak
ed boleg na saray sacerdote tan sikato
so namprofesiya ed Juda manlapu
ed 626–586 s.c. Sikato so nambilay ed
panaon ya asinger ed saray bantog a
profeta a sikara di: Lehi, Ezequiel,
Oseas, tan Daniel.
Si Jeremias so naordinan a manmaliw
a profeta dia ed bilay sakbay ed
dalin (Jer. 1:4–5). Legan to a profeta ed
loob na ñgalñgali apataplo a taon sikato
so nambañgat sumpa ed panañgigalang
ed saray talintao tan aliwa a
malinis ya inkatoo ed limog na saray
totoo a Judio (Jer. 3:1–5; 7:8–10). Inarap
to so andi-tonda a panagsumpa tan
panaginsulto (Jer. 20:2; 36:18–19; 38:4).
Kasumpal na inkaderal na Jerusalem,
saray Judio ya akabatik ed Egipto inawit
da si Jeremias (Jer. 43:5–6), no iner,
unong ed inkaugali ra, sikato so tinutopak
da anga ed inatey.
Say libro nen Jeremias: Saray tekap 1–6
lugan to so saray profesiya a niiter
legan na impanoley nen Josias. Saray
tekap 7–20 so saray profesiya legan na
panaon nen Joacim. Saray tekap 21–38
so nipaakar ed impanoley nen Sedekias.
Saray tekap 39–44 lugan to so
saray profesiya tan ipaliwawa to so
saray agawgawa ed awaran kasumpal
na inkaderal na Jerusalem. Say tekap
45 lugan to so sakey a sipan ed si Baruc,
say managsulat to, a say bilay nen Baruc
so niliktar. Dia ed kasampotan, saray
tekap 46–51 so profesiya sumpa ed
saray arum a bansa. Say tekap 52 so
impasampot na awaran. Say pigara ed