SAY LIBRO NEN MORMON

19 Atagey a Sacerdote
palapagan a Chicago Democrat (Chicago
Democratico), ya ebat ed kerew to
a nakabatan no anto so pananisia na
saray miembro na Simbaan. Say sulat
so nanmaliw ya akabatan a Sulat ed
si Wentworth tan saya so unaan a nipalapag
ed Times and Seasons (Saray
Panaon tan Tiempo) sanen Marso
1842. Sanen 10 Octubre 1880, saraya
ya Articulo na Pananisia so inawat a
masanto a kasulatan ed panamegley
na botos na saray miembro na Simbaan
tan akapila a kabiañgan na Perlas
ya Ankabli.
ASAWA, LAKI odino BII.
Nengneñgen so Boleg; Kasal,
Mankasal
ASA
Dia ed Daan a Sipan, say komatlo ya
ari na Juda. Saray masanto a kasulatan
nisulat a say “puso to nagnap ed Katawan
ed amin ya agew to” (1 Ar. 15:14).
Legan na oley to intagey to so kipapasen
na ñgayew a makapanyari, imbantak
to so pako na saray Etiopia, inekal
to so saray talintao, tan binagaan to so
saray totoo a mangawa na paknaan ya
anapen si Jehova (1 Ar. 15–16; 2 Awa.
14–16). Bangbalet, sanen sikato so nansakit
ed sali, ag to inanap so tulong na
Katawan tan sikato so inatey (1 Ar.
15:23–24; 2 Awa. 16:12–13).
ASER. Nengneñgen met so Israel;
Jacob, Laki ya Anak nen Isaac
Dia ed Daan a Sipan, laki ya anak nen
Jacob tan si Zelfa, bii a katulong nen
Lea (Gen.30:12–13).
Say tribo nen Aser: Si Jacob binendicionan
to si Aser (Gen. 49:20), tan si Moises
binendicionan to so saray kapolian
nen Aser (Deut. 33:1, 24–29). Saraya a
kapolian so tinawag “mabiskeg a lalaki
na inkabayani” (1 Awa. 7:40).
ASIN
Saya so inkana a panagsinop na kakanen
sanen panaon na kadaanan a
mundo; saya so nipasen a kaukolan
ed bilay.
Say bii ya asawa nen Lot so nanmaliw
a lusek ya asin, Gen. 19:26. Sikayo so
asin na dalin, Mat. 5:13 (Luc. 14:34;
3 Ne. 12:13). Saray totoo a paknaan na
Katawan so nibilang a siñga asin na
dalin, D&P 101:39–40. No saray sasantos
aliwa ra a manañgilaban na totoo,
sikara so siñga asin ya abalang so taway
da, D&P 103:9–10.
ASIRIA
Sakey a kadaanan a baleg a panarian,
kaiba to so kalaban to a Babilonia, a
nanoley ed dakel a daan ya estado na
Siria tan Palestina dia ed karaklan a
panaon na Daan a Sipan. Angaman a
saray Asiriano baleg so pakapanyari
ra nanlapu ed pegley na koma-12 a
siglo s.c. anga ed sampot na koma-7 a
siglo s.c., ag ira akapampaalagey na
malet ya oley na politiko. Sikara so nanoley
ed panamegley na baleg a takot,
dineral da so saray kabosol da ed panamegley
na apoy tan kampilan odino
pakapoyen da ira ed pañgibantak da
na dakerakel a kabiañgan na katooan
ed arum a pasen na panarian da. Saray
uoleyan da so ag tinmonda a mambusol
ed sikara, tan say amin a batik na
panarian so kanengneñgan na anditonda
a panagalsa. (Nengneñgen so
2 Ar. 18–19; 2 Awa. 32; Isa. 7:17–20; 10;
19; 37.)
ATAGEY A KONSEHO
Sakey a konseho na saray labindua ya
atagey a sacerdote.
Dia ed saray kasakbayan ya agew na
impawil a Simbaan, say salita ya atagey
a konseho so nipaakar ed duara a
nandumaan ya olop na manañgoley:
(1) say Korum na saray Labindua ya
Apostoles na Simbaan (D&P 107:33,
38); tan (2) say atagey a korum a manlilingkor
ed balang sakey ya estaka
(D&P 102; 107:36).
ATAGEY A SACERDOTE.
Nengneñgen met so Inkasacerdote
nen Aaron; Inkasacerdote nen
Melquisedec
Sakey a pakaoley ed inkasacerdote.