SAY LIBRO NEN MORMON

Nephi,Laki ya Anak nen Nephi,Laki ya Anak nen Helaman 172
da si Jesu Cristo a sikato so Manañgilaban
tan Mananundon da (1 Ne. 22:12).
Say libro nen 2 Nephi: Saray tekap 1–4
say lugan to so pigara ed saray sampot
abañgat tan profesiya nen Lehi sakbay
na impatey to, kaiba to so saray
bendicion to ed saray lalaki ya anak to
tan saray kapolian da. Say tekap 5
ipaliwawa to no akin saray Nephite
binmiig ira ed saray Lamanite. Saray
Nephite nampaalagey ira na templo,
imbañgat da so gangan nen Moises,
tan nansinop ira na saray kasulatan.
Saray tekap 6–10 lugan to so saray
salita nen Jacob, say yugtan a laki ya
agi nen Nephi. Si Jacob inaral to lamet
so awaran na Juda tan improfesiya to
so Mesias, a say arum inala to ed saray
insulat nen profeta Isaias. Dia ed saray
tekap 11–33 si Nephi insulat to so
paneknek to ed si Cristo, paneknek
nen Jacob, saray profesiya ed saray
kaunoran ya agew, tan dakel a tekap
so nanlapu ed Daan a Sipan ed libro
nen Isaias.
Saray piligo nen Nephi: Nengneñgen so
Piligo, Saray
NEPHI, LAKI YA ANAK NEN
NEPHI, LAKI YA ANAK NEN
HELAMAN. Nengneñgen met so
Disipulo; Nephi, Laki ya Anak nen
Helaman
Sakey ed saray labindua a disipulos a
Nephite a pinili nen inmoli ed bilay a
si Jesu Cristo dia ed Libro nen Mormon
(3 Ne. 1:2–3; 19:4). Saya a profeta so
nampikasi ed angaan na pakayari to
ed Katawan ya onkana ed saray totoo
to. Si Nephi nadñgel to so voces na Katawan
(3 Ne. 1:11–14). Si Nephi dinalaw
met na saray angeles, nampapaway na
saray demonyo, binañgon to so agi to
a laki nanlapu ed patey, tan nampaneknek
na saya ag nayari ya ag panisiaan
(3 Ne. 7:15–19; 19:4). Si Nephi insinop
to so saray masanto a kasulatan (3 Ne.
1:2–3).
Say libro nen 3 Nephi: Sakey a libro ya
insulat nen Nephi, laki ya anak nen
Nephi, ed Libro nen Mormon. Saray tekap
1–10 ipanengneng to so inkasumpal
na saray profesiya nipaakar ed isabi na
Katawan. Say tanda na inkianak nen
Cristo so niiter; saray totoo nambabawi
ira; balet sikara so pinmawil ed inkarelmeng.
Dia ed kasampotan saray
bagyo, saray yegyeg, mabiskeg a dagem,
tan ankabaleg a deral so añgiter na
pakapatnagan na impatey nen Cristo.
Saray tekap 11–28 so kasulatan na insabi
nen Cristo ed saray Americas. Saya so
otel a kabiañgan na libro na komatlo a
Nephi. Dakel ed saray salita nen Cristo
so mipara ed saray sermon to a nisulat
ed Biblia (a siñga say pañgaligan, Mat.
5–7 tan 3 Ne. 12–14). Saray tekap 29–30
so saray salita nen Mormon ed saray
bansa ed kaunoran ya agew.
Say libro nen 4 Nephi: Saya a libro awalaan
labat na apataplo tan siam a versiculo,
amin wala ed sakey a tekap,
bangbalet sasakopan to so ñgalñgali
talon lasus a taon ed awaran na Nephite
(34–321 k.c.). Piga-pigara a kailalakan
na saray managsulat, a kaiba si Nephi,
so añgiter na biang da ed saya a kasulatan.
Saray versiculo 1–19 ibaga to a
kasumpal na dalaw na inmoli ed bilay
a Cristo ed amin a Nephite tan Lamanite
so apasimbalo ed evangelio. Say
kareenan, aro, tan kauksoyan so nanoley.
Say talora a disipulo a Nephite, a
sikara so inabuloyan nen Cristo a magnayon
ed dalin anga ed komadua ya
isabi to (3 Ne. 28:4–9), so mantalima
ed saray totoo. Si Nephi intilak to so
kasulatan ed anak to a laki a si Amos.
Saray versiculo 19–47 so saray kasulatan
nen Amos ed impampulong to (84
a taon) tan say anak to a laki si Amos
(112 a taon). Dia ed 201 k.c., say kinon
so ginmapo a nanseñgegan na gonigon
ed limog na saray totoo, a sikara
so nambibiigan ed olopan tan ginmapo
so saray tila-tila a simbaan a mañgala
na pakagungona (4 Ne. 1:24–34).
Saray kasampotan a versiculo ed 4
Nephi ipanengneng to a saray totoo
pinmawil ira lamet ed karelmeñgan
(4 Ne. 1:35–49). Dia ed 305 k.c., si Amos
laki ya anak nen Amos inatey tan say