SAY LIBRO NEN MORMON

347 Alma 17:12–19
iñgen kaukolan yo so a mananos
ed andukey a panagtepel tan
kairapan, pian nipanengneng
yo so maong a pañgaligan ed
sikara niseseñgeg ed siak, tan
gawaen takayo ya ikakana ed
limak ya onkana ed kilalaban
na dakel a kamarerua.
12 Tan agawa a saray puso na
saray lalaki ya anak nen Mosiah,
tan ontan met ed saray kaiba ra,
so awalaan na biskeg na linawa
ya onla ed saray Lamanite pian
ibawag da ed sikara so salita na
Dios.
13 Tan agawa a sanen akasabi
ra ed ketegan na dalin na saray
Lamanite, sikara so a nansisian
tan nagsitaynan la ra ed balang
sakey, a sitatalek ira ed Katawan
a makapanduromog ira lamet
dia ed kayari na b panagani ra;
lapu ed impasen da a baleg a
kimey so ingapo ra.
14 Tan petepeteg a saya so
baleg, lapu ed ginawa ra so pañgipulong
ed salita na Dios ed
sakey ya a atap tan inmaawet
tan masebeg-puso a totoo; sakey
a totoo a panliketan da so pampatey
ed saray Nephite, tan
pantulisan tan panagsamsaman
ed sikara; tan say puso ra so
akateen ed kayamanan, odino
dia ed balitok tan pilak, tan saray
ankabli bato; iñgen kaliktan
da ya alaen so saraya a beñgatla
dia ed panamegley na panagpatey
tan panagsamsam, pian
ag ira mansagpot ed saray dili
a lima da.
15 Dia ed onia sikara so totoo
amañgiñgiras, a dakel ed sikara
so mañgigagalang ed saray
talintao, tan say a ayew na Dios
nipelag ed sikara lapu ed saray
b
sisia a tawir na kaamaan da;
manwari ya ontan say sipan na
Katawan so niiter met ed sikara
likud no mambabawi ra.
16 Dia ed ontan, saya so a makaseñgeg
kanian saray lalaki ya
anak nen Mosiah inawat da so
saya a kimey, ag la piga naawit
da ra ed pambabawi; ag la piga
a naawit da ra ed pikakabat ed
plano na karundon.
17 Dia ed ontan sikara so nansisian
ed balang sinansakey,
tan sikara so linma ya akilimog
ed sikara, balang sakey a too
nambokbukor, unong ed salita
tan pakapanyari na Dios a niiter
ed sikato.
18 Natan lapu ed si Ammon so
pinagkapañgulo ra, odino sikato
so managtalima ed sikara, tan
sikato so tinmaynan ed sikara,
kayari na a impambendicion to
ed sikara unong ed nanduroma
a kipapasen da, ya initer to so
salita na Dios ed sikara, odino
inasikaso to ra sakbay na intaynan
to; tan dia ed onia sikara so
pinmikal ed saray nanduroma
a baroy da ed amin a lapag na
saman a dalin.
19 Tan si Ammon so linma
ed dalin na Ishmael, say dalin
aniñgaran ed saray lalaki ya
anak nen a Ishmael, a sikara met
so nanmaliw a Lamanite.
11a Alma 20:29. pmk Anos.
13a Alma 21:1.
b Mat. 9:37.
14a Mosiah 10:12.
15a Alma 3:6–19;
3 Ne. 2:15–16.
b Alma 9:16–24; 18:5.
16a Mosiah 28:1–3.
18a pmk Bendicion,
Bendicionan,
Abendicionan.
19a 1 Ne. 7:4–6.