SAY LIBRO NEN MORMON

213 Perlas ya Ankabli
si Pedro anengneng to so Manañgilaban
a nauman so indeñgan to, ontan
met ed sikara di Moises tan si Elaias
(Elias) (Mat. 17:1–9).
Si Pedro so manunaan ya Apostol ed
saray agew to. Kasumpal na impatey,
inkioli, tan say intukotok na Manañgilaban,
tinugyop to so Simbaan tan inwanwan
to so pantawag na sakey ya
apostol a mañgala ed pasen nen Judas
Iscariote (Gaw. 1:15–26). Si Pedro tan
si Juan pinaabig da so sakey a too a
lopoy nanlapu la ed inkaugaw to (Gaw.
3:1–16) tan sikara so makapakelaw ya
akabolos ed pañgawan (Gaw. 5:11–29;
12:1–19). Dia ed panamegley na impampulong
nen Pedro a say evangelio so
unaan ya alukasan ed saray Gentiles
(Gaw. 10–11). Dia ed saray a kaunoran
ya agew, si Pedro, kaiba to si Santiago
tan si Juan, so nanlapu ed tawen tan
initer da so Inkasacerdote nen Melquisedec
tan saray tumbok to nia ed si
Joseph Smith tan si Oliver Cowdery
(D&P 27:12–13; 128:20).
Unaan a sulat nen Pedro: Say unaan a
sulat so ginawa to a nanlapu ed “Babilonia”
(nayari a Roma) tan saya so impawit
to ed saray Sasantos ed saya so
natatawag natan ya Asia Minor sanen
kasumpal nen Nero a pinasegsegang
so saray Cristiano.
Say tekap 1 isasalita to so kipapasen
nen Cristo a nigena sakbay ya inianak
a sikato so Mananundon. Saray tekap
2–3 ipaliwawa to a si Cristo so manunaan
a sekder a bato na Simbaan, a saray
Sasantos bebembenan da so mapagalang
ya inkasacerdote, tan si Cristo
pinuloñgan to so saray espiritu a wala
ed pañgawan. Saray tekap 4–5 ipaliwawa
to no akin say evangelio so
nipulong ed saray inaatey tan no
akin saray elders so pamastol ed saray
pulok.
Komadua a sulat nen Pedro: Say tekap 1
bibilinen to so saray Sasantos a gawaen
da a peteg so saray kimey da tan say
pakapili ra. Say tekap 2 mampasakbay
sumpa ed saray aliwa a tua a managbañgat.
Say tekap 3 isasalita to so nipaakar
ed saray kaunoran ya agew tan
say komadua ya isabi nen Cristo.
PELEG
Dia ed Daan a Sipan, say laki ya anak
nen Eber tan apo nen Sem ed dapan. Dia
ed saray agew to say dalin naapag-apag
(Gen. 10:22–25).
PENTATEUCH. Nengneñgen met so
Daan a Sipan; Deuteronomio;
Exodo; Genesis; Levitico; Moises;
Numeros
Say ñgaran a niiter ed saray unaan a limara
a libro na Daan a Sipan—Genesis,
Exodo, Levitico, Numeros, tan Deuteronomio.
Saray Judio ibaga da a saraya
a libro so Torah odino say gangan na
Israel. Saraya so insulat nen Moises
(1 Ne. 5:10–11).
PENTECOSTES. Nengneñgen met so
Gangan nen Moises
Lapu ed saya so kabiañgan na gangan
nen Moises, say fiesta na Pentecostes
odino unaan a buñga so gagawaen ed
komalimamplo ya agew kasumpal na
fiesta na Pasko (Lev. 23:16). Say Pentecostes
so gagawaen da onkana ed panagani,
tan dia ed Daan a Sipan saya
so atawag na pista na panagani odino
fiesta na saray simba. Saya a fiesta so
gagawaen da sanen saray Apostoles ed
Jerusalem so napno na Espiritu Santo
tan nansalita ra ed saray nanduroma a
salita (Gaw. 2; D&P 109:36–37).
PERLAS YA ANKABLI. Nengneñgen
met so Canon; Masanto a Kasulatan,
Saray; Smith, Joseph, Jr.
Say panarian na Dios ed tapew na dalin
so nipareng ed sakey ya “perlas ya
ankabli” (Mat. 13:45–46).
Say Perlas ya Ankabli so ñgaran a
niiter ed sakey ed saray apatira a libro
na masanto a kasulatan ya atawag na
“pañgaligan a kimey” na say Simbaan
nen Jesu Cristo na saray Sasantos ed
Kaunoran ya Agew. Say unaan ya impañgipalapag
ed Perlas ya Ankabli so
sanen 1851 tan lugan to so pigara a kasulatan
a saya natan so wala ed Doctrina
tan saray Paknaan. Saray palapag a