SAY LIBRO NEN MORMON

207 Parabulo
1:13–18). Saray matuor a Sasantos so
manmaliw a miembro na Simbaan na
Pañguloan ya Inianak dia ed andiangaan
(D&P 93:21–22).
Say pañguloan a laki ed saray anak mo
so kaukolan ya iter mo ed siak, Ex.
22:29. Pinasantos ko ed siak so amin a
pañguloan ya anak ed Israel, Num. 3:13.
Sikato so nayari a pañguloan ya inianak
ed limog na dakel a kaagian, Rom. 8:29.
Sikato so mañgawit ed say unaan ya
inianak dia ed mundo, Heb. 1:6. Sikara
so Simbaan na Pañguloan ya Inianak,
D&P 76:54, 94. Saya so niiter ed siak a
nanlapu ed saray kaamaan, angan say
katunoñgan na say pañguloan ya inianak,
Abr. 1:3.
PAÑGUMAN NA INDEÑGAN.
Nengneñgen met so Jesu Cristo;
Tumbok na Inkasacerdote, Saray
Say kipapasen na too a mañguman a
magano so kanengneñgan tan inkatoo
to—a dia ed saya, nalibit ed atagtagey
a maespiritu a kipapasen—pian sikato
so makapansiansia ed kawalaan tan gloria
na saray mañgatatawen a pinalsa.
Inkauman na indeñgan nen Cristo: Si Pedro,
Santiago, tan si Juan anengneng
da so magloria tan impañguman na indeñgan
nen Katawan dia ed arap da.
Say Manañgilaban kasakbayan to nia
insipan to ed si Pedro ya awaten to so
saray tumbok na panarian na tawen
(Mat. 16:13–19; 17:1–9; Mar. 9:2–10; Luc.
9:28–36; 2 Ped. 1:16–18). Dia ed saya a
makana ya inkagawa, say Manañgilaban,
si Moises, tan si Elaias (Elias) initer
da so saray nisipan a tumbok na inkasacerdote
ed si Pedro, Santiago, tan si
Juan. Kaulop na saraya a tumbok na
inkasacerdote, saray Apostoles awalaan
ira na pakapanyari a mañgituloy na
kimey ed panarian kasumpal na intokutok
nen Jesus.
Si Joseph Smith imbañgat to a dia ed
palandey na inkauman na indeñgan,
si Pedro, Santiago, tan si Juan nauman
met so indeñgan da. Anengneng da so
sakey a payawar nipaakar ed dalin no
anto so nengneng to ed arapen a magloria
a kipapasen to (D&P 63:20–21).
Anengneng da si Moises tan si Elias,
duara a totoo a nauman so indeñgan da,
tan nadñgel da so voces na Ama. Say
Ama inkuan to, “Saya so inararok ya
Anak ko, a sikato so panliketan ko; deñgel
yo” (Mat. 17:5).
Saray totoo a nauman so indeñgan da:
Anengneng da so Dios na Israel, Ex.
24:9–11. Say baog na lupa to linmiwawa
legan na impisalita to ed Dios, Ex.
34:29 (Mar. 9:2–3). Say lupa nen Jesus
sinminag, Mat. 17:2 (Mar. 9:2–3). Say
Israel ag da ayarian ya iseleng so mata
ra a mabayag ed lupa nen Moises lapu
ed gloria to, 2 Cor. 3:7. Say lupa nen
Abinadi sinminag ed mapalalo a sileng,
Mosiah 13:5–9. Sikara so aliktob na siñga
apoy, Hel. 5:23, 36, 43–45 (3 Ne.
17:24; 19:14). Sikara so amputi a siñga
kanengneñgan nen Jesus, 3 Ne. 19:25.
Say kanengneñgan to nia ed sikara mipadpara
ed inkauman na indeñgan,
3 Ne. 28:15. Angapo ni so too ya akanengneng
ed Dios dia ed inkalaman,
likud labat no pabilayen na Espiritu,
D&P 67:10–12. Dia ed panamegley na
pakapanyari na Espiritu saray mata
tayo so alukasan, D&P 76:12. Say gloria
na Dios so wala ed si Moises, Moises
1:2. Say gloria to so wala ed siak; tan
anengneng ko so lupa to, lapu ed siak
so nauman ed indeñgan, Moises 1:11.
Anengneng ko so katawenan ya alukasan,
tan siak so akawesan na gloria,
Moises 7:3–4.
PARABULO. Nengneñgen met so
Evangelio, Saray—Uksoy na saray
evangelio
Sakey a simpli a tungtong ya ikana a
pañgiparungtal tan pañgibañgat na
maespiritu a katuaan odino principio.
Say parabulo so onsasaral ed pañgipareng
na sakey a beñgatla odino inkagawa
ed sakey a katuaan, tan say maamot
a talus to odino balita na sakey a parabulo
so lanang ya akaamot ed saray
mandereñgel a sikara so aliwa a maespiritu
ya akaparaan a mañgawat ed
saya (Mat. 13:10–17).
Si Jesus so lanang a nambañgat ed