SAY LIBRO NEN MORMON

Job 104
Si Jezabel pinatey to so dakel a profeta
na Dios, 1 Ar. 18:4. Si Jezabel sinali to a
pateyen si Elias, 1 Ar. 19:1–3. Say karelmeñgan
nen Jezabel so nansampot
ed makapataktakot ya impatey to,
2 Ar. 9:30–37.
JOB
Dia ed Daan a Sipan, sakey a matunong
a too a nantepel na agay la a mapalalo
ya irap balet nansiansia ni a
matuor ed pananisia to ed Dios. Say
tungtong nipaakar ed sikato so naalmo
ed libro nen Job.
Say libro nen Job: Angaman say libro so
nipaakar ed impanirap nen Job, saya
so ag katibukelan a mañgebat ed tepet
no akin si Job (odino angan siopa a
too) so mantepel na sakit tan say pakabalang
na boleg to tan saray kayarian
to. Say libro so mamalinew a say nawalaan
na segsegang ag to kabaliksan
a say sakey a too so nankasalanan. Say
Katawan nayari ya ikana to so segsegang
ya onkana ed salsali, disiplina,
tan pambañgat tan ontan met onkana
a dusa (D&P 122).
Say libro so nayari a naapag ed apatira
a biang. Saray tekap 1–2 soparungtal
ed say tungtong. Saray tekap
3–31 so mañgidalatdat ed nantutumbokan
a tungtoñgan ed baetan nen
Job tan saray talora a kakaaro to. Saray
tekap 32–37 lugan to so saray talumpati
nen Eliu, say komapat a kaaro to,
a sikato so añgibaga ed si Job na saray
rason likud ed saray rason na unaan a
talora a kakaaro to. Saray tekap 38–42
so mamasampot ed say libro a tekep
so paneknek ed si Job a say bilay to so
maabig nanlapu ed gapo.
Say libro nen Job so mañgibañgat no
say sakey a too so walaan na duga a
kakabatan nipaakar ed Dios tan mambibilay
unong ed kaliktan na Dios, sikato
so makapiandoan ed saray subok
ya onsabi ed sikato. Say andi-tonda a
pananisia nen Job so nanengneng ed
saray balikas a siñga, “Angan pateyen
to ak, sansia ni a manmatalek ak ed sikato”
(Job 13:15). Si Job so abitla met
ed Ezequiel 14:14; Santiago 5:11; Doctrina
tan saray Paknaan 121:10.
JOEL
Sakey a profeta ed dalin na Juda ed
Daan a Sipan. Say panaon na bilay to
so ag napamintuan—nayari a nambilay
ed baetan na impanoley nen Joas,
sakbay na 850 s.c., tan say impawil na
tribo nen Juda a nanlapu ed inkadakep
ed Babilonia.
Say libro nen Joel: Say libro so amegley
ed profesiya a ginawa nen Joel kasumpal
a say dalin na Juda so adusa na mapalalo
ya tiagew tan saray duron (Joel
1:4–20). Si Joel binagaan to so saray totoo
a dia ed panamegley na pambabawi
sikara lamet so makaawat na saray
bendicion na Dios (Joel 2:12–14).
Say tekap 1 so sakey a tawag ya onkana
ed masanto a pantitipon ed abong
na Katawan. Say tekap 2 so mañgibabaga
ed say bakal tan say kaermenan
sakbay na Milenium. Say tekap 3 so mañgisasalita
ed saray kaunoran ya agew
tan paneknekan to ya amin a bansa so
mambabakal balet dia ed kaunoran
say Katawan so manayam ed Sion.
Si Pedro binitla to so profesiya nen
Joel nipaakar ed say pañgikalbo na
Espiritu dia ed agew na Pentecostes
(Joel 2:28–32; Gaw. 2:16–21). Si angel
Moroni imbalikas to met so saya a salita
ed si Joseph Smith (JS—A 1:41).
JONAS. Nengneñgen met so Ninive
Sakey a profeta ed Daan a Sipan a
tinawag na Katawan a mampulong
na pambabawi ed ciudad na Ninive
(Jonas 1:1–2).
Say libro nen Jonas: Sakey a libro ed Daan
a Sipan a mañgibabaga ed saray asalsali
ed bilay nen Jonas. Anganko aliwa a si
Jonas a dili so nansulat ed libro. Say manunaan
a tima na libro nen Jonas so say
panañgoley nen Jehova so wala ed amin
a pasen tan ag to iyapasakey so panañgaro
to ed sakey a bansa odino totoo.
Dia ed tekap 1, say Katawan tinawag
to si Jonas a mampulong ed Ninive.
Imbes a gawaen to so ingangan na Katawan,
si Jonas so tinmaynan ed pana-